მოგეხსენებათ ჩანთა ქალბატონების განუყრელი აქსესუარია, მას მამაკაცებიც ხშირად ატარებენ, თუმცა მათგან განსხვავებით უჩანთო ქალის სადმე დანახვა იშვიათობას წარმოადგენს. მამაკაცთათვის ჩანთა უფრო საჭირო ნივთი თუა, ხოლო ქალისთვის ერთ-ერთი უახლოესი მეგობარი, მარჯვენა ხელი, საგანძურით სავსე სკივრი.

ჩვენ ყოველთვის ვზრუნავთ ჩანთის გარეგნობასა და დიზაინზე. ჩანთა, რომელიც დააქვს ქალს, მეტყველებს ამ ქალის ხასიათზე, პიროვნებაზე, გემოვნებასა და ასევე მატერიალურ შესაძლებლობებზე.

როგორც სხვადასხვა ტიპის სამოსს სხვადასხვა ჩანთა შეეფერება, მაგალითად სპორტულ სამოსსა და ბოტასებს კლასიკური ჩანთა არ მოუხდება ნამდვილად და პირიქით, კლასიკურად ჩაცმულ ქალს სპორტული ზურგჩანთის მოკიდება ნამდვილად არ შეეფერება, ასევე წელიწადის ყველა დროსაც საკუთარი სტილის ჩანთა ესაჭიროება, თუმცა თქვენ შეგიძლიათ ისეთი უნივერსალური ჩანთაც შეარჩიოთ, სეზონის ყველა დროს რომ ამაყად გაუსწორებს თვალს და არ შერცხვება. შემოდგომის ჩანთას კი ძირითადად ყავისფერი, მოყვითალო, მოწითალო, მწვანე, ასე ვთქვათ ფოთოლთა ფერები უხდება. შავი ფერიც თავისთავად უნიკალურია.