დღეს საქართველოს პრემიერ-მინისტრმა ბიძინა ივანიშვილმა, რუსეთთან ურთიერთობების საკითხში სპეციალურ წარმომადგენლად ზურაბ აბაშიძე წარადგინა.
ბიძინა ივანიშვილმა კანცელარიაში გამართულ პრესკონფერენციაზე განაცხადა - მე ვფიქრობ, რომ ჩვენმა ხელისუფლებამ უნდა მოვახერხოთ და დავალაგოთ, ჩვენს ყველაზე დიდ მეზობლებთან ურთიერთობები. იმის გათვალისწინებით, რომ ორ ქვეყანას შორის არსებობს ძალიან დიდი ისტორია, ჩვენ ძალიან დიდი ხნის განმავლობაში ვცხოვრობდით ერთად. ჩვენ დღეს უნდა მოვახერხოთ და ახალ ხარისხში ავიყვანოთ ორი ქვეყნის ყრთიერთობები. იდეალური ვარიანტი იქნება, თუ წელსვე მოხერხდა ჩვენი ციტრუსის გატანა რუსეთში. ჩვენ ვიწყებთ უფრო იოლით, რადგან ამ ეტაპზე უფრო რეალისტურად მიგვაჩნია ეკონომიკური და კულტურული ურთიერთობების აღდგენა. რაც შეეხება დიპლომატიურს, ეს ვერ მოხდება სწრაფად. აფხაზეთსა და ე.წ. სამხრეთ ოსეთში არის რუსეთის საელჩოები; ასევე, სხვა ბევრი პრობლემაა და ეს უნდა დარეგულირდეს.