ზოგს მოთმინება არ ჰყოფნის, ზოგს დაკვირვების უნარი არა აქვს და ამიტომ, კატეგორიულად აცხადებენ, რომ გამოცანები და თავსატეხები არ უყვართ... კონკრეტულად ეს გამოცანა კი, ვირუსული გახდა და მთელს ინტერნეტს "მოედო". თუმცა, ამოხსნა, ბევრმა ვერ შეძლო... ასე, რომ, ის, ნამდვილად რომ გამოწვევაა, როგორც გამოცანების მოყვარულთათვის, ისე მათთვის ვისაც უბრალოდ, საკუთარი თავის გამოცდა უნდა.

მაშ, ასე, სეიფის სამნიშნა კოდი უნდა ამოხსნათ. და აი, რა არის ცნობილი მის შესახებ:

1. 137 — ამ კომბინაციაში, მხოლოდ ერთი ციფრია სწორი და ის თავის ადგილზეა;

2. 169 — ამ კომბინაციაში, ერთი ციფრია სწორი, მაგრამ, ის არასწორ ადგილზეა;

3. 751 — აქ ორი ციფრია სწორი, მაგრამ თავის ადგილზე არცერთია;

4. 283 — აქ სწორი არაფერია;

5. 235 — ერთი ციფრი სწორია, მაგრამ, არასწორ ადგილზეა.

პასუხი:

ყველაზე მნიშვნელოვანი პუნქტი პირობაში არის IV. მასში ნათქვამია, რომ სეიფის კოდში არ არის 2, 8 და 3 ციფრი. ეს კი იმას ნიშნავს, რომ პირველ კომბინაციაში (137) ციფრ 3–ზე, საუბარი არ არის.

II კომბინაციაში (169), ერთი ციფრია სწორი და ის არასწორ ადგილზეა. I კომბინაციაში 1 ციფრია სწორი და ის სწორ ადგილზეა. ამიტომ, ეს ვერ იქნება 1, რადგან ის ერთდროულად, სწორ და არასწორ ადგილზე ვერ იქნება. გამოდის რომ, I კომბინაციაში, თავის ადგილზე არის ციფრი – 7.

V პუნქტში ნათქვამია, რომ 235 კომბინაციაში – ერთი ციფრია სწორი, მაგრამ არასწორ ადგილზეა. რადგან 3 გამორიცხულია, ეს ან 2 უნდა იყოს, ან 5.

პირობის III პუნქტში კი ნათქვამია, რომ 751 სწორი არის 2 ციფრი, მაგრამ არცერთი არ არის თავის ადგილზე. როგორც ვიცით, ერთი სწორი ციფრი არის – 7 და ის მესამე ადგილზეა. კოდიდან 1–იც გამოვრიცხეთ, ამიტომ კოდში მეორე ციფრი იქნება 5. რადგან ორივე არასწორ ადგილზეა და ვიცით რომ 7 მესამეა კოდში, მაშინ გამოდის, რომ 5 პირველი ციფრია.

ისევ II პუნქტს თუ დავუბრუნდებით, – 169 კომბინაციაშიც არის 1 სწორი ციფრი, მაგრამ, ის სწორ ადგილზე არ არის. რადგან 1 გამორიცხულია და რადგან მოსაძებნია II ციფრი, მოცემულ კომბინაციაში კი, 6 არის მეორე ადგილზე, ხოლო პირობის თანახმად, სწორი ციფრი არასწორ ადგილზეა, – რჩება მხოლოდ 9.

შესაბამისად, სწორი კოდი იქნება — 597.

არხის სხვა სიახლეები:

* 5 აკრძალვა – როგორ იყო დაცული მონის უფლებები ძველ რომში?

* 7 ლოგიკური გამოცანა (პასუხები აქვს)

* ეგონა, ლეკვი გადაარჩინა, მაგრამ სულ სხვა ცხოველი აღმოჩნდა

* რომელი ვიტამინი უწყობს ხელს წონაში კლებას და მნიშვნელოვნად აუმჯობესებს ჯანმრთელობის მდგომარეობას?