14 მარტს, გვიან ღამით ჭავჭავაძის გამზირზე მკვლელობა მოხდა, მოკლულია 58 წლის ბიზნესმენი ე.წ კა­ნო­ნი­ე­რი ქურ­დის, მე­რაბ ჯან­გვე­ლა­ძის ძმა, ლე­ვან ჯან­გვე­ლა­ძე.

ლე­ვან ჯან­გვე­ლა­ძე თბი­ლის­ში რამ­დე­ნი­მე დღით იყო ჩა­მო­სუ­ლი და ის დაც­ვის თან­ხლე­ბით გა­და­ად­გილ­დე­ბო­და.მკლელობის დღეს ის ახლობელის პანაშვიდზე იმყოფებოდა.

"პრაიმ კრაიმის" ინფორმაციით, ლევანი საკვანძო როლს ასრულებდა ძმის საორგანიზაცო საკითხებში და არსებითად იყო მისი „ტვინის ცენტრი“ : ის აგვარებდა სენსიტიურ საკითხებს, რომლებსაც თავად მერაბი სტატუსიდან გამომდინარე ვერ უმკლავდებოდა, მათ შორის ლეგალურ ბიზნესს და სამართალდამცავ ორგანოებთან ურთიერთობას.

ამბობენ, რომ ლევანი პასუხისმგებელი იყო ძალოვან ბლოკზე და პასუხისმგებელი იყო არაერთ გახმაურებულ ქმედებებზე, მათ შორის რუსეთის კრიმინალურ სამყაროში ისეთი გამოჩენილი ფიგურების მკვლელობაზე, როგორებიც იყვნენ იაპონჩიკი და დედ ჰასანი, (იგივე ასლან უსოიანი)რომლებიც ოპოზიციაში იყვნენ "სოხუმელ ძმებთან". ამ ვერსიას მხარს უჭერს ის „მოლოცვა“, რომელიც როგორც თქვეს, მერაბს ჰასანის სულიერმა მემკვიდრემ, ლაშა შუშანაშვილმა გადასცა.

რამდენიმე წლის წინ საბერძნეთში დიდი ქურდული “სხოდკა” შეიკრიბა ლაშა შუშანაშვილის ინიციატივით და დედ ჰასანზე თავდასხმაში სწორედ მერაბ ჯანგველაძე დაადანაშაულეს !

ამავე შეკრებაზე ითქვა, რომ ჯანგველაძის ძმას ლევანს, ქილერები ყავს და ისინი ქართული სპეცსამსახურების ყოფილი წარმომადგენლები არიან.

მერაბის კიდევ ერთი ფუნდამენტური „მოსისხლე მტერი“, კანონიერი ქურდების უმაღლეს იერარქი შაქრო კალაშოვია, განსაკუთრებით მას შემდეგ, რაც "სუხუმსკების" ხალხმა დათო ოზმანოვის დაჭრეს.

მერაბ ჯანგველაძისთვის ძმის გარდაცვალება ნამდვილად გამოუსწორებელი დანაკლისია.კრიმინალური ვენდეტა ამით არ დასრულდება და სავარაუდოდ გაგრძელება იქნება, მით უმეტეს მერაბ ჯანგველაძე ერთ ერთი ყველაზე სასტიკ კრიმინალურ ავტორიტეტად ითვლება.

ფოტოზე:მერაბ ჯანგველაძე(მარცხენა განაპირა) და ლევან ჯანგველაძე(მარჯვენა განაპირა)