ამერიკელი ბიზნესმენის, ილონ მასკის რაკეტის ნაწილი პოლონელი მამაკაცის ეზოში ჩავარდა. ამის შესახებ Daily Mail წერს.

19 თებერვალს პოლონელ ადამ ბორუკიმ საკუთარ სახლთან გუგუნი გაიგონა. როდესაც გაკვირვებული მამაკაცი ეზოში გავიდა, ღობესთან რაღაც საწვავის ავზის მსგავსი აღმოაჩინა. მან საგანაგებო სიტუაციის სამსახურს გამოუძახა.

პოლიციის პრეს-მდივანმა ანა კლოიმ თქვა: ”მფლობელმა გვაცნობა დიდი ზომის ობიექტის შესახებ დაახლოებით 1, 5 მ. /1 მ-ზე, რომელიც ღამით გაჩნდა მის ეზოში, მიუხედავად იმისა, რომ ტერიტორია დაკეტილი იყო.”

პოლიციამ სწრაფად დაადგინა, რომ ეს სავარაუდოდ იყო მასკის SpaceX-ის მიერ დამზადებული Falcon 9 რაკეტის ნამსხვრევები. ის თებერვალში კალიფორნიის ვანდენბერგის საჰაერო ძალების ბაზიდან გაუშვეს.

„ვიძიებთ, თუ როგორ აღმოჩნდა ობიექტი ამ ადგილას, მაგრამ მთავარია, არავინ დაშავებულა“, - აცხადებენ პოლიციაში მომხდართან დაკავშირებით. პოლონეთის კოსმოსურმა სააგენტო ამ ინციდენტის გარემოებებს იძიებს და მალევე საკუთარ ვებ-გვერდზე დაადასტურა, რომ „პოლონეთის თავზე "ფალკონ 9" რაკეტის მეორე ეტაპის უკონტროლო შესვლა მოხდა 2025 წლის 19 თებერვალს 04:46-დან 04:48 საათს შორის“.

მან დაამატა, რომ ობიექტი იყო „იდენტიფიცირებული, როგორც NORAD/COSPAR ID 62878/2025-022Y“.