1. "Bones and All" (2022) — რეჟისორ ლუკა გუადანინიოს რომანტიკული ჰორორი, რომელიც მოგვითხრობს ახალგაზრდა ქალის, მარენის შესახებ. ის იწყებს მოგზაურობას ამერიკის მასშტაბით, სადაც ხვდება ლის, ასევე მოხეტიალეს. ერთად ისინი და ცდილობენ იპოვონ თავიანთი ადგილი სამყაროში, მიუხედავად საერთო უცნაურობებისა.

ფილმი გამოირჩევა თავისი უნიკალური ნარატივით, რომელიც აერთიანებს რომანტიკას, დრამას და საშინელებათა ელემენტებს.

IMDb რეიტინგი: 6.8/10

2. "A History of Violence" (2005) — დევიდ კრონენბერგის რეჟისორობით შექმნილი თრილერი, რომელიც ეფუძნება ჯონ ვაგნერისა და ვინს ლოკის 1997 წლის გრაფიკულ რომანს. ფილმი მოგვითხრობს ტომ სტოლის შესახებ, რომელიც მშვიდი ცხოვრებით ცხოვრობს თავის ოჯახთან ერთად პატარა ქალაქში, სადაც ფლობს სასადილოს. ერთ დღეს, ტომი ხდება ადგილობრივი გმირი, როდესაც მძარცველებისგან იცავს თავის დაწესებულებას. ეს მოვლენა იწვევს მედიის ყურადღებასა და მოულოდნელად აჩენს კითხვებს ტომის წარსულთან დაკავშირებით, რაც საფრთხეს უქმნის მის მშვიდ ცხოვრებას.

ფილმი იკვლევს ძალადობის ბუნებას, იდენტობის საკითხებსა და წარსულის გავლენას აწმყოზე.

IMDb რეიტინგი: 7.4/10

3. "20, 000 Leagues Under the Sea" (1954) – რეჟისორ რიჩარდ ფლეიშერის სათავგადასავლო ფილმი, რომელიც ეფუძნება ჟიულ ვერნის ამავე სახელწოდების რომანს. ფილმი მოგვითხრობს მეცნიერი პროფესორ არონაქსის, მისი ასისტენტ კონსეის და მეზღვაური ნედ ლენდის თავგადასავალს, რომლებიც ეძებენ ოკეანის მონსტრს. მოგზაურობისას ისინი ხვდებიან კაპიტან ნემოსა და მის წყალქვეშა ნავს, "ნაუტილუსს", რაც მათთვის დაუვიწყარი და სახიფათო თავგადასავალის დასაწყისია.

ფილმი გამოირჩევა იმ დროისთვის ინოვაციური სპეციალური ეფექტებით, შთამბეჭდავი წყალქვეშა სცენებითა და თავის დროზე იყო ერთ-ერთი პირველი დიდი ბიუჯეტის სამეცნიერო ფანტასტიკური ფილმი, რომელმაც მნიშვნელოვანი გავლენა მოახდინა ჟანრის განვითარებაზე.

IMDb რეიტინგი: 7.2/10

4. "Find Me Guilty" (2006) – რეჟისორ სიდნი ლუმეტის კრიმინალური დრამა, რომელიც დაფუძნებულია რეალურ მოვლენებზე. ფილმი მოგვითხრობს ჯაკომო დინორსიოს შესახებ, რომელიც გადაწყვეტს საკუთარი თავის დაცვას სასამართლოში, რაც იწვევს ამერიკის სასამართლო სისტემის ისტორიაში ერთ-ერთ ყველაზე ხანგრძლივ სასამართლო პროცესს.

ფილმი გამოირჩევა ვინ დიზელის არატრადიციული როლითა და უჩვეულო ვარცხნილობით, სადაც ის ასახავს ქარიზმატულ და იუმორისტულ პერსონაჟს.

IMDb რეიტინგი: 7.0/10

5. "House" (1977) – ნობუჰიკო ობაიაშის რეჟისორობით შექმნილი იაპონური კომედიური ჰორორი, რომელიც მოგვითხრობს სკოლის მოსწავლე გოგონაზე, რომელიც თავის ექვს მეგობართან ერთად სტუმრობს ავადმყოფი დეიდის სახლს სოფელში. მალევე, ისინი აწყდებიან ზებუნებრივ მოვლენებს, როდესაც სახლი იწყებს თითოეული მათგანის "შთანთქმას".

ფილმი გამოირჩევა თავისი უნიკალური ვიზუალური სტილით, რომელიც აერთიანებს ექსპერიმენტულ ეფექტებს, ანიმაციასა და სიურეალისტურ ელემენტებს. არატრადიციული გადაღების ტექნიკა კი ზღაპრულსა და ამავდროულად საშიში ატმოსფეროს შექმნას უწყობს ხელს.

IMDb რეიტინგი: 7.3/10

6. "Blindspotting" (2018) – რეჟისორ კარლოს ლოპეს ესტრადას დრამატული კომედია, რომელიც ასახავს ოკლენდში მცხოვრები ორი მეგობრის, კოლინისა და მაილსის ცხოვრებას. კოლინი ცდილობს წარმატებით დაასრულოს პირობითი სასჯელის ბოლო სამი დღე, ხოლო მაილსი, მისი ბავშვობის მეგობარი, ხშირად ეხვევა პრობლემებში. ერთ ღამეს, კოლინი ხდება პოლიციის მიერ შავკანიანი მამაკაცის მკვლელობის მოწმე, რაც მასზე ძლიერ გავლენას ახდენს.

ფილმი გამოირჩევა სოციალური თემების განხილვით როგორიცაა რასობრივი დაძაბულობა და პიროვნული იდენტობის ძიება. სიუჟეტის ავთენტური და ემოციურ ნარატივი, კი მაყურებელს სთავაზობს როგორც იუმორს, ასევე სერიოზულ საკითხებზე დაფიქრებას.

IMDb რეიტინგი: 7.4/10

გადახედე ამ სტატიებსაც

როცა არ იცი რას უყურო: ფილმების რეკომენდაციები - ნაწილი 10

როცა არ იცი რას უყურო: ფილმების რეკომენდაციები - ნაწილი 9

როცა არ იცი რას უყურო: ფილმების რეკომენდაციები - ნაწილი 8