ვალერი ბარიკინი, ახლა საყოველთაოდ ცნობილი "საბჭოთა პინ-აპის" სტილის ფუძემდებელი გახლავთ.მანამდე ის სოცრეალიზმის ხელოვნებით და საბჭოთა პლაკატებით იყო დაინტერესებული, პარალელურად ამერიკული ილუსტრაციებით, მათ შორის ნორმან როკველის ნამუშევრებით. მნიშვნელოვანი როლი ითამაშა საბჭოთა კინო პლაკატებმაც .

1990-იანი წლების შუა პერიოდიდან ბარიკინმა ძალები მოსინჯა სხვადასხვა სახის სფეროში: ფერწერა, გრაფიკა, პერფორმანსები, გრაფიკულ დიზაინში.

2000-იან წლებში ვალერი ბარიკინმა შემთხვევით დაიწყო "საბჭოთა პინ-აპის" სტილის განვითარება. მისი პირველი ნამუშევარი შესრულდა ციფრული კოლაჟის ტექნიკის გამოყენებით: ხუმრობით მან ერთ-ერთ ორიგინალ საბჭოთა სოციალურ პლაკატში ჩასვა პინ-აპ მოდელის ფიგურა, რომელიც ამ ჟანრის ცნობილ ამერიკელ ოსტატს, გილ ელვგრენს ეკუთვნოდა. უცებ გაქრა იდეოლოგიური კომპონენტი და მთელმა კომპოზიციამ სულ სხვა ემოციური მუხტი შეიძინა.

საბჭოთა პლაკატებს დიდაქტიკური ხასიათი ჰქონდა, ხოლო 1930-1950-იანი წლების დასავლური პინ-აპები გასართობი იყო. ბარიკინმა თავის ფანტაზიებს დაუმატა ის, რაც "არ იყო" სსრკ-ში: სექსუალობა. საბჭოთა კავშირში გაზრდილმა ავტორმა პირქუშ საბჭოთა პლაკატებს ეროტიულობა შესძინა.

ირონიით გაჯერებულმა ამ სენტიმენტალურმა სურათებმა ფართო გამოხმაურება ჰპოვა .როდესაც 2000-იანი წლების ბოლოს ბარიკინმა პირველად გამოაქვეყნა თავისი ნამუშევრები ინტერნეტში არც თუ ისე ცნობილ პლატფორმაზე, ორ დღეში მათ 25 ათასზე მეტი ნახვა დააგროვა და ამის შემდეგ დაიწყო "საბჭოთა პინ-აპის" პოპულარობის ნამდვილი ბუმი.