აშშ-ის პრეზიდენტის დონალდ ტრამპის ადმინისტრაციამ საჯაროდ გააკრიტიკა აშშ-ის საერთაშორისო განვითარების სააგენტოს (USAID) საქმიანობა.

3 თებერვალს თეთრი სახლის ვებსაიტი იტყობინება USAID-მიერ მასშტაბურად „რესურსების ბოროტად გამოყენების“ შესახებ. მასში, სხვა საკითხებთან ერთად, ნათქვამია, რომ სააგენტომ ასობით მილიონი დოლარი ჩადო „სარწყავ არხებში, სასოფლო-სამეურნეო აღჭურვილობასა და სასუქებში, რომლებიც გამოიყენებოდა ავღანეთში ოპიუმის ყაყაჩოს უპრეცედენტო კულტივაციისთვის და ჰეროინის წარმოებისთვის“.

USAID-ის სხვა არამიზნობრივ ხარჯებში ნახსენებია მაგალითად 47, 000 აშშ დოლარი „ტრანსგენდერთა ოპერასთვის“ კოლუმბიაში და 32, 000 დოლარი „ტრანსგენდერთა კომიქსისთვის“ პერუში, 1, 5 მილიონი დოლარი სერბეთში "მრავალფეროვნების, თანასწორობისა და ჩართულობის ხელშეწყობა სამუშაო ადგილებსა და ბიზნეს საზოგადოებებში" და ასევე 6 მილიონი დოლარი ეგვიპტეში ტურიზმის დასაფინანსებლად.

გარდა ამისა, მოხსენებაში ნათქვამია, რომ სააგენტომ დააფინანსა ასობით ათასის ღირებულების საკვები "სირიაში ალ-ქაიდასთან დაკავშირებული ბოევიკებისთვის".

”ეს გრძელდება ათწლეულების განმავლობაში"-, ნათქვამია მოხსენებაში, მაგრამ ტრამპის პრეზიდენტობის დროს ”ფლანგვა, თაღლითობა და თანხის ბოროტად გამოყენება დაუყოვნებლივ დასრულდება.”

საერთაშორისო განვითარების სააგენტო დაარსდა 1961 წელს. USAID-მა მხარი დაუჭირა მრავალ ჰუმანიტარულ პროგრამას მთელს მსოფლიოში, მათ შორის უკრაინაში განხორციელებულ პროექტებს.

ინაუგურაციის დღეს, დონალდ ტრამპმა გააყინა USAID-ის საგარეო დახმარება 90 დღით, რათა განიხილიონ პროგრამები და დარწმუნდნენ, რომ ისინი შეესაბამება „ამერიკულ ღირებულებებს“ და აშშ-ს საგარეო პოლიტიკის მიზნებს.

3 თებერვალს USAID-ის ხელმძღვანელის მოვალეობის შემსრულებლად დაინიშნა სახელმწიფო მდივანი მარკ რუბიო, როგორც ამერიკული მედია აღნიშნავს, ნიშნავს, რომ სააგენტო ფაქტობრივად გადავიდა აშშ-ს სახელმწიფო დეპარტამენტის კონტროლის ქვეშ.

ილონ მასკმა, რომელიც ხელმძღვანელობს ტრამპის ადმინისტრაციის მთავრობის ეფექტურობის დეპარტამენტს, USAID დაადანაშაულა ბიოლოგიური იარაღის კვლევების დაფინანსებაში.