დონალდ ტრამპი - ბიზნესმენი, პოლიტიკური მოღვაწე და მწერალი.

სხვა

დონალდ ტრამპი - ბიზნესმენი, პოლიტიკური მოღვაწე და მწერალი.

დღეს, 20:15

აშშ-ს ახალი 47-ე პრეზიდენტი ჰყავს დონალდ ტრამპი, უკვე მეორე ვადით. მასზე ბევრი დაწერილა, თქმულა და გვინახავს ტყუილი თუ მართალიც. ამჯერად გაიცანით დონალდ ტრამპი, როგორც მწერალი, ბესტსელერის "როგორ გავხდეთ მდიდარი" ავტორი. წიგნი არის სამოტივაციო-შემეცნებითი ჟანრის ბიზნეს ლიტერატურა. პირველად დაიბეჭდა 2004 წელს და მას შემდეგ მრავალათასიანი ტირაჟებით იყიდება. თარგმნილია მსოფლიოს 18 ენაზე და სულ გაყიდულია 4 მლნ-ზე მეტი ეგზემპლარი.

თემა მოტივაცია - ფრაგმენტი წიგნიდან "როგორ გავხდეთ მდიდარი" დონალდ ტრამპი.

"მეცნიერულად დადასტურებული ფაქტია, რომ თვითმფრინავი ყველაზე მეტ საწვავს მოიხმარს აფრენის დროს. ასევეა კოსმოსური რაკეტაც. თუნდაც მატარებელი, რომელსაც რამდენიმე ათეული მძიმედ დატვირთული ვაგონი აქვს ჩაბმული, ყველაზე მეტ ძრავის საწვავს მოიხმარს სწორედ მოძრაობის დაწყების მომენტში და არა მაშინ, როცა ასეულობით ტონა ტვირთს მიაქანებს მაღალი სიჩქარით რელსებზე.

ზუსტად იგივე პრინციპი მოქმედებს თუ ადამიანი რაიმე რთულ გამოწვევას ან ძნელად შესასრულებელ საქმეს შეეჭიდება.

დაწყება, ადგილიდან საქმის დაძვრა ადამიანისგან მოითხოვს კოლოსალურ ფიზიკურ, გონებრივ და ფსიქიკურ ძალისხმევას.

ეჭვი, წარუმატებლობის შიში, მარცხით მოსალოდნელი ზიანი და სხვა ნეგატიური აზრები შეიძლება იყოს ისეთივე ძნელად დასაძლევი, როგორიც თვითმფრინავისთვის არის დედამიწის მიზიდულობის ძალის დაძლევა, აფრენის მომენტში.

წარმატებაზე ორიენტირებულმა და მიზანდასახულმა ადამიანმა აუცილებლად უნდა მოახერხოს ამ წინააღმდეგობის გადალახვა. სხვანაირად წარმატება ვერ მიიღწევა.

თქვენში გამომუშავებული მძლავრი საპირწონე ძალა იქნება სწორედ ის "სასტარტო ენერგია", რომლითაც არსებული წინააღმდეგობები დაიძლევა და წარმატება მიიღწევა."

საკუთარ ძალებში რწმენის გასაძლიერებლად დონალდ ტრამპი საკუთარ წიგნში ხშირად ციტირებს ავტორიტეტული პიროვნებების ასევე ცნობილ გამონათქვამებს:

"ეცადე შეისწავლო მაქსიმალურად ბევრი იმ საქმეში, რომელსაც შეეჭიდები." - ფრედ ტრამპი (დონალდ ტრამპის მამა)

"მე ვიცი წარმატების ფასი - ეს არის საქმისადმი ერთგულება, მძიმე შრომა და მიზნის მკაფიოდ წარმოსახვა." - ფრენკ ლოიდ რაიტი

"კარგ გენერალს შეიძლება ბრძოლა მოუგო, მაგრამ ომს ვერ მოუგებ." - ნაპოლეონი

"წარმოსახვა უფრო მნიშვნელოვანია, ვიდრე ცოდნა." - ალბერტ აინშტაინი

"წარმატების გასაღები თქვენს გამუდმებულ ძალისხმევებშია და არა ინტელექტში." - უინსტონ ჩერჩილი.

მასალა მომზადებულია წიგნიდან "როგორ გავხდეთ მდიდარი" - დონალდ ტრამპი. ბიზნეს-სამოტივაციო ლიტერატურის მსოფლიო ბესტსელერი.

P.S. ეძიეთ და იკითხეთ სასარგებლო წიგნები.