პორტუგალიელი ფეხბურთელი ახალი კონტრაქტის მიხედვით გუნდის თანამფლობელი განხდება.

"ალ-ნასრის" პორტუგალიელი თავდამსხმელი კრიშტიანუ რონალდუ აპირებს გახდეს თავისავე კლუბის თანამფლობელი.

ახალი კონტრაქტის პირობებზე მხარეებს შორის მოლაპარაკებები მიმდინარეობს

გამოცემა Marca-ს ინფორმაციით, კონტრაქტის მიხედვით კრიშტიანუ რონალდუ გუნდის აქციების 5%-იანი წილის მფლობელი გახდება.

რონალდუს ხელფასი, განახლებული ხელშეკრულების მიხედვით, იქნება შთამბეჭდავი 183 მილიონი ევრო სეზონის განმავლობაში, ანუ დაახლოებით 550 ათასი ევრო დღეში.

მიუხედავად იმისა, რომ კონტრაქტი ჯერ არ არის გაფორმებული, წყაროები ამბობენ, რომ ორივე მხარე მზადაა შეთანხმების დასასრულებლად.

მანამდე ცნობილმა მწვრთნელმა ჟოზე მოურინიომ, რომელიც თურქულ "ფენერბაჰჩეს" ხელმძღვანელობს, რონალდუს შესაძლო ტრანსფერის შესახებ ჭორებს გამოეხმაურა.

მან აღნიშნა, რომ მსგავსი ტრანსფერით არც ფეხბურთელი და პოტენციურად არც კლუბია დაინტერესებული.

შეგახსენებთ, რომ კრიშტიანუ რონალდუ არაბულ კლუბს "ალ-ნასრს" 2023 წელს შეუერთდა.

მიმდინარე სეზონში საუდის არაბეთის პრემიერ ლიგის 13 მატჩში მან 11 გოლი გაიტანა და ორი საგოლე გადაცემა გააკეთა.