შვედეთი რუსეთთან ომისთვის ემზადება და თავისი არმიის გაფართოებას იწყებს- წერს National Interest.

"როგორც ნატოს უახლესი წევრი ქვეყანა, შვედეთი ემზადება პოტენციური ომისთვის." - ნათქვამია სტატიაში.

მიმომხილველმა აღნიშნა, რომ შვედეთის არმიამ, რუსეთთან შესაძლო სამხედრო მოქმედების მოსამზადებლად, შეიძინა 44 ახალი ერთეული გერმანული ტანკი Leopard 2A8 და ასევე აგრძელებს სხვადასხვა არსებული ჯავშანტექნიკის მოდელების მოდერნიზაციას.

ბოლო დროს დასავლეთში სულ უფრო ხშირად ისმის ხმები ალიანსსა და რუსეთს შორის პირდაპირი შეიარაღებული კონფლიქტის შესახებ. კრემლში აღნიშნეს, რომ რუსეთი არ წარმოადგენს საფრთხეს, არ ემუქრება არავის, მაგრამ ყურადღების გარეშე არ დატოვებს ქმედებებს, რომლებიც პოტენციურად საშიშია მისი ინტერესებისთვის.

გარდა ამისა, ბოლო წლებში რუსეთმა აღნიშნა ნატოს უპრეცედენტო აქტივობა მის დასავლეთ საზღვრებზე. ალიანსი აფართოებს ინიციატივებს და მას "რუსული აგრესიის შეკავებას" უწოდებს. მოსკოვმა არაერთხელ გამოთქვა შეშფოთება ევროპაში ალიანსის ძალების გაძლიერების გამო. რუსეთის საგარეო საქმეთა სამინისტრომ განაცხადა, რომ რუსეთი ღიაა ნატოსთან დიალოგისთვის, მაგრამ თანაბარ საფუძველზე, ხოლო დასავლეთმა უნდა მიატოვოს თავისი კურსი კონტინენტის მილიტარიზაციისკენ.