აშშ-ში დააკავეს ცნობილი მღვდელი შტატი არიზონადან თავისი ეკლესიის ქალთა საპირფარეშოში ფარული კამერის დაყენების გამო. ამის შესახებ Independent -ი იუწყება.

არტურო ლაგუნა დააკავეს მას შემდეგ, რაც მრევლმა ქალების ტუალეტის ხელის საშრობში ფარული კამერა აღმოაჩინა. ჯაშუშური მოწყობილობა იმ დროს ჩამოვარდა, როდესაც მრევლი ბავშვს საფენს უცვლიდა. პოლიციამ ეკლესიის მრევლისგან მიიღო სკრინშოტი, რომელზეც ჩანს, არტურო ლაგუნა ტუალეტში როგორც ცდილობს კამერის შეკეთებას. მამაკაცმა აღიარა, რომ ვიდეოთვალი გასული წლის ოქტომბერში დაამონტაჟა.

ჩხრეკისას მათ იპოვეს მეხსიერების ბარათი, რომელშიც მოთავსებულია ოთხი მოკლე ვიდეო, სადაც ჩაწერილი იყო ზრდასრული ქალები, როგორ სარგებლობენ ტუალეტით. მღვდელს ბრალი წაუყენეს ოთხი ბრალდება ვუაიერიზმის მუხლით, რაც არიზონაში მკაცრად ისჯება. მას ორ წლამდე თავისუფლების აღკვეთა ემუქრება.

ლაგუნა მსახურობდა ფენიქსის სამრევლო ეკლესია Casa de Adoracion-ში, რომელსაც ძირითადად ესპანელი ემიგრანტები ესწრებიან. მან პოპულარობა მოიპოვა ოქტომბერში, როდესაც Associated Press-თან ისაუბრა იმაზე, რომ მომავალმა საპრეზიდენტო არჩევნებმა შეიძლება იმოქმედოს ქალაქის ლათინოამერიკელ მოსახლეებზე.

ცოტა ხნის წინ გაუწყეთ ამერიკელ პრესვიტერიან მღვდელზე, რომელიც არალეგალური ბორდელის მომსახურებით სარგებლობდა.