აშშ-ში მცხოვრები ყოფილი მაღალჩინოსანი, გია ხუროშვილი "ფეისბუქის" პირად გვერდზე სამწუხარო ინფორმაციას ავრცელებს და უკრაინაში კიდევ ერთი ქართველი მებრძოლის, კახა თილიძის დაღუპვის შესახებ წერს:

"დღევანდელი დღე საშინელი ამბით დაიწყო! კიდევ ერთი ქართველი ჯარისკაცი, კახა თილიძე, რუსებმა უკრაინაში მოკლეს.

იშვიათად შემხვედრია ისეთიბევრი დადებითი თვისება ერთ ადამიანში: განათლება, პატრიოტიზმი, მებრძოლი სული, ძლიერი ორგანიზაციული უნარები და ურყევი თავდადება თავისი ქვეყნისა და ხალხის მიმართ.

ვინც კახას იცნობდა, გაუჭირდებოდა იმის წარმოდგენა, რომ ასე მალე შეიძლებოდა მისი სიცოცხლე დასრულებულიყო.

პუტინი ტერორისტია!

მან პასუხი უნდა აგოს უდანაშაულო ადამიანების მასობრივ მკვლელობებზე.

სამართლიანობა აუცილებლად გაიმარჯვებს!, – ვკითხულობთ გია ხუროშვილის პოსტში.

სად და რა ვითარებაში დაიღუპა ქართველი მებრძოლი უცნობია.