ვიწყებ სტატიების ციკლს სათაურით "მსოფლიოს 100 საოცრება". მეასე ადგილი მინდა მივაკუთვნო მალაიზიის დედაქალაქ კუალა-ლუმპურში მდებარე პეტრონასის კოშკებს.

პეტრონასის კოშკები, ეს არის 88 სართულიანი, 450 მეტრის სიმაღლის ჩათამბრჯენები. შენობა აშენებულია ისლამურ სტილში და მისი სტილი მალაიზიის პრემიაერ-მინისტრის შემოთავაზებულია. მშენებლობა 6 წელი გრძელდებოდა (1992-1998 წ.წ). კოშკებში განთავსებულია ოფისები, საგამოფენო და საკონფერენციო დარბაზები, ასევე სამხატვრო გალერეები.

"პეტრონას თაუერსის" მშენებლობა ძირითად შემკვეთ ნავთობის კორპორაცია "პეტრონასს" 800 მილიონი დოლარი დაუჯდა. დანახარჯების ნაწილი სხვა მალაიზიურმა კომპანიებმაც აიღეს საკუთარ თავზე. შენობები შეერთებულია ხიდით, რომელიც ნაგებობის ხანძარსაწინაარმდეგო დაცვის ერთ-ერთ ფუნქციასაც ასრულებს. საინტერესოა, რომ მხოლოდ ერთი კოშკის მინების რეცხვას დაახლოებით ერთი თვე ესაჭიროება. კოშკებში მუშაობს და ცხოვრობს 10 ათასი ადამიანი.

ძირითადი კონსტრუქცია აგებულია არა მსუბუქი მეტალისგან, რომელიც ძალიან ძვირია მალაიზისათვის არამედ სპეციალური ელასტიური ბეტონისაგან. კონსტრუქციის თავისებურებიდან გამომდინარე შენობა არ დაინგრევა 16-დან 3 დამჭერი კოლონის დაკარგვის შემთხვევაშიც კი.