საზოგადოება
"სწორად გაგვიგია მეგობრებო" - რას წერს ნანუკა ჟორჟოლიანი
გუშინ, 9:38
ჟურნალისტი, ნანუკა ჟორჟოლიანი სრულიად საქართველოს კათოლიკოს-პატრიარქის საშობაო ეპისტოლეს სოციალურ ქსელში ეხმაურება და წერს:
"იმედმა პატრიარქის სწორედ ის მონაკვეთი არ გააშუქა, რომელიც აღწერდა ათეისტს, სიცოცხლის გახანგრძლივებისთვის რომ ყველაფერს აკეთებს.
სწორად გაგვიგია მეგობრებო"- წერს ნანუკა ჟორჟოლიანი "ფეისბუქის" პირად გვერდზე.
შეგახსენებთ, რომ მისი უწმინდესობის საშობაო მიმართვა საზოგადოებრივი მსჯელობის საგნად იქცა. გთავაზობთ ამონარიდს პოლიტიკურ ინტრიგად ქცეულ საშობაო ეპისტოლედან:
"დაცემული ადამიანის თვისებაა სიკვდილის შიშიც. ამიტომაც ეძებდა და კვლავაც ეძებს იგი სიცოცხლის გახანგრძლივების გზებს, იგონებს სხვადასხვა მეთოდს, რომ შეიქმნას კეთილდღეობის ილუზია, მაგრამ ამაოდ…".
