თავდაცვის ყოფილი მინისტრი, ირაკლი ოქრუაშვილი საპატრიარქოს საზოგადოებრივი სამსახურის უფროსის, ანდრია ჯაღმაიძის მიერ პატრიარქის გაყალბებულ საახალწლო მილოცვასთან დაკავშირებით გაკეთებულ განცხადებას სოციალურ ქსელში ეხმაურება და წერს:

"ამ დღეებში ჩვენი საპატრიარქოდან, ვატიკანის საკვამურიდან ამოსული შავი კვამლივით, ჯაღმაიძე რომ ამოფრინდეს შორენას პანღურით, არ გაგიკვირდეთ."- ვკითხულობთ ირაკლი ოქრუაშვილის პოსტში.

შეგახსენებთ, რომ ანდრია ჯაღმაიძემ დაადასტურა, რომ პატრიარქის საახალწლო მილოცვა იყო მონტაჟი და არა ორიგინალი:

"პატრიარქის საახალწლო მილოცვასთან დაკავშირებით ზოგი ადამიანი “საპატრიარქოს საზოგადოებასთან ურთიერთობის სამსახურს” იხსენიებს აუგად.

დეტალურ ახსნებს ვერ დავიწყებ რიგი მიზეზების გამო, უბრალოდ სიმართლე იმაში მდგომარეობს, რომ არაფერი ამასთნ არც მე პირადად და არც სამსახურს არ აკავშირებს.

ამასთანავე რადგან ასეთი სახის დამოტაჟებული იყო, ვიდეო არ დევს ჩვენი სამსახურის გვერდზე. მიმაჩნია, მინიმუმ მითითებული უნდა ყოფილიყო, რომ ეს არის მონტაჟი და არა ორიგინალი." - განაცხადა საპატრიარქოს საზოგადოებრივი სამსახურის უფროსმა, ანდრია ჯაღმაიძემ სამსღიანი დუმილის შემდეგ.