ქალაქ მოსელ-ბეიში, სამხრეთ აფრიკა, მამაკაცმა ქალი თევზაობისას დაიჭირა და წყლიდან ამოიყვანა. ინფორმაციას ABC News ავრცელებს.

საზღვაო მაშველების ეროვნული ინსტიტუტის (NSRI) ცნობით, მეთევზემ შეამჩნია ქალი, რომელიც მოქცევის დროს იყო იხრჩობოდა დიასის სანაპიროზე, დაახლოებით 12:57 საათზე.

გამვლელმა შენიშნა ქალი, რომელიც იხრჩობოდა და დაუკავშირდა საგანგებო სამსახურს, რასაც მოჰყვა რეაგირება პოლიციის, სასწრაფო დახმარების, სახანძრო-სამაშველო და საგზაო სამსახურების მხრიდან. როდესაც ისინი მივიდნენ, ქალი უკვე ნაპირზე იყო გამოყვანილი და თავს უსაფრთხოდ გრძნობდა.

როგორც აღმოჩნდა, რამდენიმე მამაკაცი დიასის სანაპიროზე თევზაობდა, როდესაც მოულოდნელად ქალი შენიშნეს, რომელიც წყალში იხრჩობოდა.ერთ-ერთმა მეთევზემ მის მიმართულებით ანკესი ისროლა, რომელზეც ბასრი ნემსკაუჭი ეკეთა და რომელსაც სამხრეთ აფრიკაში იყენებენ მუქი ორაგულის ანუ კაბეჯუს დასაჭერად.მეთევზემ კაუჭი ქალის ჯინსს მოსდო და სხვა მამაკაცების დახმარებით ნაპირზე გამოყვანა შეძლო.

ქალს თურმე ცურვა უნდოდა, მაგრამ დინებამ გაიტაცა და უკვე არაქათგამოცლილი იხრჩობოდა.