ჭუტლექსაანთ გოიმები გუშინ კახა კალაძეს ორბელიანების მოედანზე მიუხტნენ, საახალწლო სოფლის გახსნაზე ის ხალხი მიიყვანა, ვისაც სხვადასხვა ზონდერდავალებებისთვის იყენებსო... არიქა, მათ შორის არის ის პირონება, რომელიც პრეზიდენტს თავისუფლების მოედანზე ლაზერს ანათებდაო.

წარმოგიდგენიათ?

ცოფიანმა ქაჯებმა ის პიროვნება აღმოაჩინეს, რომელიც თურმე სალომე ბაბოს ლაზერს ანათებდა!

ჰოდა, რათ ანათებდა? ხომ არის ეს მიმნათებელი ბოროტმოქმედი “ტიტუშკა''? არ არის ზონდერი, რომელსაც კალაძე იყენებს? ისინი, რომლებიც პოლიციელებს “მოლოტოვებს'' ესროდნენ, რუსთაველის გამზირს ბუგავდნენ და პარლამენტის შენობას ლეწავდნენ, ციდან ჩამოფრენილი ანგელოზები არიან, ეს მიმნათებელი კიდე ჯალათია, უნდა დავიჭიროთ, უნდა გავასამართლოთ, უნდა დავხვრიტოთ, მა რაააა, მა სხვანაირად სამართალი რანაირად აღსრულდება?!

რამდენიმეს “ჩაავლეს'', ესენი კახა კალაძის “ტიტუშკები'' არიანო. მართალია, არ იცოდნენ, ვინ იყვნენ, შეიძლება ჩვეულებრივ გამვლელებიც იყვნენ, მაგრამ ხომ “ჩაავლეს''? აი, ეს არის მთავარი, ეს არის აღქმითი რეალობა, დანარჩენი მეასეხარისხოვანია!