უნიკალური სპორტული ავტომობილი Mercedes Brookland, რომელსაც მე-20 საუკუნის დასაწყისის ერთ-ერთ ყველაზე მნიშვნელოვან სარბოლო მანქანას უწოდებენ, აუქციონზე გაიყიდება.

ის 1908 წელს დამზადდა, ერთი წლის შემდეგ კი უნიკალური 17, 3 ლიტრიანი ძრავით აღიჭურვა. რარიტეტი, რომელმაც მონაწილეობა მიიღო თავისი დროის ყველაზე პრესტიჟულ რბოლებში, 7-დან 9 მილიონ დოლარამდეა შეფასებული.

"მერსედესის" ეს მოდელი 1906 წელს შეიმუშავეს და მას სახელი ბრიტანეთის სარბოლო ტრასის საპატივცემლოდ დაარქვეს . ავტოდრომი Brookland ითვლება ისტორიაში პირველ ტრასად, რომელიც სპეციალურად აშენდა სარბოლო მანქანებისთვის.

გასაყიდად გამზადებული ეგზემპლარი თავდაპირველად აწყობილი იყო შედარებით სტანდარტული სიმძლავრის აგრეგატით(ზოგიერთი წყაროს მიხედვით, 80 ცხ.ძ.) სპეციალურად სხვა რბოლისთვის - ავსტრიული Semmering Hill Clim-ისთვის. ავტომობილის მფლობელმა, ოტო ზალცერმა 1908 წელს პირველი მცდელობისას დაამყარა სიჩქარის რეკორდი ა-81, 2 კმ/სთ-ში.

რბოლის შემდეგ მანქანა დააბრუნეს ქარხანაში, სადაც ზალცერის ინიციატივით მასზე უზარმაზარი 17, 3 ლიტრიანი ძრავა დამონტაჟდა. იმ დროისთვის შთამბეჭდავი 150 ცხ.ძ. -ით.

1909 წელს ზალცერმა გააუმჯობესა თავისი რეკორდი 84, 3 კმ/სთ-მდე, , რომელიც 15 წელი მაოუხსნელი იყო.

შემდგომში სპორტულმა მანქანამ არაერთხელ შეიცვალა მფლობელი, გადაინაცვლა ევროპიდან ავსტრალიაში, იქიდან კი აშშ-ში, სანამ 1964 წელს ის ინდიანაპოლისის სპორტული კომპლექსის მუზეუმმა 30 ათას დოლარად შეიძინა.

მანქანას ჯერ კიდევ აქვს ორიგინალური ნაწილების სრული კომპლექტი, ორიგინალი საღებავის კვალი და შეუძლია დამოუკიდებლად გადაადგილება.