საქართველო
"ღმერთი არ გაგიწყრეთ" - ვის მიმართავს გია ხუროშვილი
2024, 14 დეკემბერი, 9:26
ამერიკაში მცხოვრები ყოფილი მაღალჩინოსანი, გია ხუროშვილი პრეზიდენტის არჩევნებს სოციალურ ქსელში ეხმაურება და წერს:
"ვიძინებ და ღმერთი არ გაგიწყრეთ: პრეზიდენტად ის კაცი არ აირჩიოთ, ამერიკის ვიზა რომ არ ექნება არასდროს! მაინც გაიკითხეთ!))"-ვკითხულობთ გია ხუროშვილის პოსტში.
შეგახსენებთ, რომ პრეზიდენტის არჩევნები დღეს, 09:00 საათიდან 14:00 საათამდე გაიმართება, პარლამენტის სხდომათა დარბაზში მოეწყობა საარჩევნო უბანი, აღნიშნულ პროცესს ცესკო წარმართავს - საარჩევნო კოლეგიაში "ქართულ ოცნებას" 211 წევრი ჰყავს.
ცნობისთვის, "ქართულმა ოცნებამ" პრეზიდენტობის კანდიდატად მიხეილ ყაველაშვილი წარადგინა. ამის შესახებ უმრავლესობისა და პარტიის პოლიტიკური საბჭოს სხდომის შემდეგ „ქართული ოცნების“ ცენტრალურ ოფისში გამართულ ბრიფინგზე გახდა ცნობილი. საპრეზიდენტო კანდიდატი "ქართული ოცნების" საპატიო თავმჯდომარემ, ბიძინა ივანიშვილმა წარადგინა.
