აქ სამი საბედისწერო შეცდომა დაუშვა ბერიკაშვილ-ნანიტაშვილის “ჭკვიანმა'' ტანდემმა: ჯერ ერთი, “ქართულ ოცნებას'' ეკლესიები არ დაურბევია, ეს ცრუ და მავნებლური ბრალდებაა, მეორეც - თუ ახლა ბერიკაშვილ-ნანიტაშვილები არ იყიდებიან, რა გამოდის, ცხონებული გივი იყიდებოდა? მისი შვილი ზურაც გაიყიდა? მე კი ვფიქრობ, ისინი არ გაყიდულან, რადგან იმ დახმარებების სანაცვლოდ ბიძინა ივანიშვილს არაფერი მოუთხოვია, მაგრამ ამ “ნაცებში'' გადამხტარი ბალღების მსჯელობით გამოდის, რომ ისინი გაიყიდნენ და ახლა ესენი არ იყიდებიან. ისე, უნდა ეთქვათ თუ დაეწერათ, ჩვენ აღარ ვიყიდებითო, აქამდე რომ გავიყიდეთ, იმ ფულებს ქვრივ-ობლებს დავურიგებთო. აი, ასე შეურაცხყოფენ ბალღები თავიანთ მამა-პაპას!

რაც შეეხება მესამე საბედისწერო შეცდომას, ნიკო, ანუ სიძე, იძახის, ეკლესიების დარბევა რომ არ გვინდოდა, “ნაცები'' ამიტომ მოვიშორეთო.

ოე, ნიკოლოზ, შენ რომელი “ნაცები'' მოიშორე? როცა ხალხი სააკაშვილის მკვლელ რეჟიმს ასკდებოდა, შენ ალბათ ჭიათურის ტყეებში დარბოდი ზღმარტლის საკრეფად. როცა “ნაცების'' მოშორებაზე ლაპარაკობ, ცოტა ფითილს დაუწიე, ჩვენ ყველაფერი გვახსოვს!

ისე, ვერასდროს წარმოვიდგენდი, თუ ბერიკაშვილების ოჯახზე ასეთი რამის წერა მომიწევდა. ახლა უკვე აღარ გამიკვირდება, ხვალ რომ კახი კავსაძის ოჯახიდან გამოვარდეს ვინმე და ბიძინა ივანიშვილს აგინოს.

რა, თქვენ გაგიკვირდებათ?!

ესე იგი, ამათ რანაირი ლოგიკა აქვთ, ვერ გავიგე, “ნაცები'' გაყარეს და ისევ “ნაცებში'' გარბიან.

ავოიე!"-წერს სოციალურ ქსელში გელ ზედელაშვილი.