ჟურნალისტი და გაზეთ "ქრონიკა+"– ის მთავარი რედაქტორი, ელისო კილაძე უმრავლესობის ლიდერის, მამუკა მდინარაძის მიერ "ტვ პირველის" გადამღებ ჯგუფზე თავდასხმასთან დაკავშირებით გაკეთებულ განცხადებას სოციალურ ქსელში ეხმაურება და წერს:

"მამუკა მდინარაძემ ჟურნალისტებზე თავდასხმა დაგმო და სულ პროვოკატორები ეძახა ტიტუშკებს!

ხვდებით ხო რა უცებ მიგახურდავათ შემსრულებელი ხელის ბიჭები?

თვალს არ დაახამხამებენ ისე გაგიშვებენ ციხეში‼️"– ვკითხულობთ ელისო კილაძის პოსტში.

უმრავლესობის ლიდერი მამუკა მდინარაძე ამბობს, რომ "გმობს" "ტვ პირველის" გადამღებ ჯგუფზე თავდასხმას, თუმცა ასევე ფიქრობს, რომ ეს შესაძლოა, "პროვოკაცია იყოს". მდინარაძის თქმით, ის თავად იქნება ინიციატორი იმისა, რომ ქუჩაში ნიღბებით გადაადგილება და აქციებზე თანამონაწილეობა აიკრძალოს.

შეგახსენებთ, რომ რამდენიმე დღის წინ, "ტვ პირველის" გადამღებ ჯგუფს, მაკა ჩიხლაძესა და მის ოპერატორს, გიორგი შეწირულს ტიტუშკები თავს დაესხნენ და სასტიკად გაუსწორდნენ, ოპერატორს წაართვეს ტექნიკაც. ჩიხლაძის თქმით, ამ ყველაფერს პატრული ხედავდა, თუმცა რეაგირება არ მოუხდენია.