ჟურნალისტი და ტელეკომპანია "კავკასიის" დირექტორი, ნინო ჯანგირაშვილი, გდდ-ის მაღალჩინოსნის, პოლკოვნიკ ირაკლი შაიშმელაშვილის მიერ დაკავებული თანამდებობის დატოვებას სოციალურ ქსელში ემაურება და წერს:

"ხარებას კაცი გაექცა:

შინაგან საქმეთა სამინისტროს განსაკუთრებულ დავალებათა დეპარტამენტის ოპერატიული დაგეგმვის სამმართველოს უფროსმა ირაკლი შაიშმელაშვილმა თანამდებობა დატოვა.

მან შს მინისტრის, ვახტანგ გომელაურის სახელზე დაწერილი პატაკი „ფეისბუქის“ საკუთარ გვერდზე თავად გამოაქვეყნა. პოსტს, გადადგომის შესახებ განცხადებასთან ერთად, საქართველოსა და ევროკავშირის დროშებიც დაურთო.

„გთხოვთ, ოჯახური პირობების გამო გამათავისუფლოთ დაკავებული თანამდებობიდან და დამითხოვოთ საქართველოს შინაგან საქმეთა სამინისტროს რიგებიდან“, - წერს პატაკში შაიშმელაშვილი"- ვკითხულობთ ნინო ჯანგირაშვილის პოსტში.

შეგახსენებთ, რომ შინაგან საქმეთა სამინისტროს განსაკუთრებულ დავალებათა დეპარტამენტის ოპერატიული დაგეგმვის სამმართველოს უფროსმა, ირაკლი შაიშმელაშვილმა თანამდებობა დატოვა. წასვლის მიზეზად მან პატაკში "ოჯახური პირობები" მიუთითა. ამის შესახებ ინფორმაცი თავად შაიშმელაშვილმა პირად გვერდზე გაავრცელა, რომელმაც საკუთარ ფეისბუქპოსტს თან საქართველოსა და ევროკავშირის დროშებიც დაურთო.