არ არსებობს დაფარული, რომ არ გამოჩნდეს, და არც რამ საიდუმლო, რომ არ გამჟღავნდეს.

----

არასდროს ყოფილა ასეთი ცხადი, რომ ივანიშვილის რეჟიმი საქართველოს ისტორიულ მისიასთან და ზოგადად, ქართველობასთან შეუთავსებელია.

ვითარების სირთულე ჩვენგან, პირველ რიგში, პოლიტიკური სპექტრისგან და ასევე, საქართველოს პატრიოტი მოქალაქეებისგან მოითხოვს ორგანიზებულ, გონივრულ, მტკიცე და ხანგრძლივ ძალისხმევას.

ხანგრძლივ, გონივრულ და შედეგზე ორიენტირებულ პროტესტს სჭირდება დისციპლინა და ადამიანური სტრუქტურა, ამის გარეშე ქუჩაში სპონტანურად გამოსულ მოქალაქეებს ძალიან გაგვიჭირდება.

ფედერალისტებს მიგვაჩნია, რომ ყველა პარტიამ უნდა აღრიცხოს მათ მხარდამჭერებს შორის ისინი, ვინც პროტესტში რაღაც ფორმით და რაღაც დროით მონაწილეობას აპირებს, შექმნას მათი მონაცემთა ბაზა, შეადგინოს მათი გეოგრაფია საცხოვრებელი ადგილების მიხედვით, გაარკვიოს მათი გრაფიკი და შეუსაბამოს პროტესტს, ააწყოს მათთან სწრაფი კომუნიკაციის არხები სწრაფი რეაგირებისთვის.

ვისაც გსურთ განგრძობად პროტესტში მონაწილეობა და ჩვენთან, ფედერალისტებთან კოორდინაცია, გთხოვთ, შეავსოთ თანდართული ფორმა და შეგეხმიანებით.