ალჟირის ნაკრებმა მოიპოვა მსოფლიოს ჩემპიონის არაოფიციალური ტიტული, 2025 წლის აფრიკის ერთა თასის საკვალიფიკაციო ეტაპზე, ლიბერიის ნაკრები დაამარცხა.

თამაში, რომელიც კვირას ტიზი-უზუში გაიმართა, მასპინძელთა გამარჯვებით 5:1 დასრულდა.

მსოფლიოს არაოფიციალური ჩემპიონი განისაზღვრება სიტემით, რომელიც პროფესიონალურ კრივში გამოიყენება - ვინც დაამარცხებს ჩემპიონს, ის იღებს არაოფიცალური ჩემპიონის ტიტულს.

ამ სისტემის გამოყენებით არგენტინის ნაკრებმა 2022 წლის მსოფლიო ჩემპიონატზე ნახევარფინალში ხორვატებთან მატჩის შემდეგ (3:0) არაოფიციალური ტიტული მოიპოვა, ფინალში კი წარმატებით დაიცვა და ოფიციალური ჩემპიონებიც გახდნენ.

არგენტინელებმა ჩემპიონის არაოფიციალური ტიტული 2023 წლის ნოემბერში დაკარგეს, ურუგვაისთან დამარცხებით (0:2).

ურუგვაელებმა, თავის მხრივ, ეს ტიტული 2024 წლის მარტში დაკარგეს კოტ დ'ივუარის ნაკრებთან (1:2), რომელიც რამდენიმე თვის შემდეგ სიერა ლეონემ დაამარცხა (0:1). 27 ოქტომბერს, სწორედ ამ გუნდის დამარცხების შემდეგ(2:0) ლიბერიას გადაეცა არაოფიციალური ტიტული.