სხვა ძველი ცემენტის ქარხანა ნამდვილ ვილად გადააქციეს 6 ნოემბერი, 19:08 როდესაც 1973 წელს რიკარდო ბოფილი, ცნობილი ესპანელი არქიტექტორი, წააწყდა ცემენტის მიტოვებულ ქარხანას, მაშინვე დაინახა მასში ზღვა შესაძლებლობა. ასე დაიბადა La fábrica და თითქმის ნახევარი საუკუნის შემდეგ შენობა მთლიანად გადაკეთდა უნიკალურ სახლად.
ძველი ცემენტის ქარხანა ბარსელონას მახლობლად მდებარეობს. ეს იყო მეორე მსოფლიო ომის დროინდელი საწარმო და არქიტექტორს და მის გუნდს დიდი ძალისხმევის გაღება მოუწია ნახევრად დანგრეული შენობის გასარემონტებლად. ბოფილისთვის ეს მთელი ცხოვრების პროექტი გახდა, რომელიც მუდმივად იცვლებოდა და ვითარდებოდა არქიტექტორთან და მის შემოქმედებით იდეებთან ერთად. 
რამდენიმე წლის განმავლობაში ქარხანა ნაწილობრივ დაშალეს, რის შემდეგაც არქიტექტორის გუნდმა დაიწყო ინტერიერის გარდაქმნა თანამედროვე საცხოვრებელ სივრცედ. 
შენობა სრულად გარდაიქმნა წარმოუდგენელ და აბსოლუტურად უნიკალურ საცხოვრებელ სახლად. 
„ცემენტის ქარხანა პირველ რიგში სამუშაო ადგილია“ - ამბობდა ბოფილი. 
თითოეული ოთახი გაფორმებულია თავისი განსაკუთრებული დანიშნულებით და არც ერთი მეორეს მსგავსი არ არის. 
„ისეთი შთაბეჭდილება მაქვს, რომ ვცხოვრობ დახურულ სამყაროში, რომელიც გარე და ყოველდღიური ცხოვრებისგან მიცავს“ - ამბობდა ბოფილი. 
„აქ ცხოვრება უწყვეტად მიმდინარეობს და სამსახურსა და ყოველდღიურობას შორის განსხვავება ძალიან ცოტაა“ 
მთელ სახლში და ეზოში შექმნილია სხვადასხვა კუთხე დასასვენებლად. 
აქ სამუშაო სივრცე მთავარი კომპონენტია, რადგან ბოფილის გუნდი სახლის ნაწილს სტუდიად იყენებს. 
გარედან შენობა სიმწვანეში ლამაზად ჩაფლულია. გარემოცულია ევკალიპტის, პალმის და ზეთისხილის ხეებით, რაც შენობას რომანტიკას მატებს და განუმეორებელს ხდის. 
ასევე დაგაინტერესებთ: 14 ეკოლოგიურად სუფთა სახლი, რომელიც ყველას აღაფრთოვანებს რეალური ადგილები, რომლებიც ჰგავს ადგილებს ჯორჯ მარტინის საგიდან მიტოვებული ციხესიმაგრეების სილამაზე Jahz Design–ის ობიექტივში რიჩარდ სილვერი: მსოფლიოს ღირსშესანიშნაობები უჩვეულო ფოკუსში საგრაფო დევონშირი - ყველაზე ზღაპრული, მაგრამ რეალური ადგილი დედამიწაზე 225 1-ს მოსწონს |
  |
Intermedia.ge © 2011-2024 წელი
საავტორო უფლებები დაცულია
 |
