ეს მშვენიერი, იტალიელი ქალბატონი რაფაელა ფიკოა, რომელმაც თავისი ქალწულობა მილიონ ევროდ შეაფასა, წარმატებულმა მოდელმა და მსახიობმა თავბრუ არა მხოლოდ კრიშტიანუ რონალდუს, არამედ იტალიის ყოფილ პრემიერ მინისტრს, სილვიო ბერლუსკონისაც დაახვია, ხოლო იტალიის ეროვნული ნაკრების ყოფილ შემტევს, მარიო ბალოტელის ქალიშვილი გაუჩინა. ორსულობისას რაფაელამ პოდიუმზე გავლაც მოასწრო.

რაფაელა 1988 წელს ნეაპოლის გარეუბანში დაიბადა, ხოლო 13 წლის ასაკში უკვე სამოდელო კარიერაც გაიკეთა. 2008 წელს ფიკომ თავისი უცნაური განცხადებით თავი მთელს მსოფლიოს გააცნო, გოგონამ საჯაროდ განაცხადა ქალწულობის გაყიდვის შესახებ, რომელიც საკმაოდ სოლიდურ თანხად - ერთ მილიონ ევროდ შეაფასა.

სკანდალური განაცხადიდან ერთი წლის შემდეგ ფიკოს ხანმოკლე რომანი კრიშტიანუ რონალდუსთან ჰქონდა. აი, ასე აღწერს მოდელი ლეგენდარულ ფეხბურთელთან შეხვედრის პირველ საღამოს. "დაახლოებით 20 წლის ვიყავი. რონალდუ სარდინიაზე გამართულ ღონისძიებაზე გავიცანი. ის ჩემთან მოვიდა და დაიწყო ჩემი მისამართით ყურადღების გამოხატვა" - ასე დაიწყო ეს პატარა ისტორია. მან მითხრა, რომ ის მსოფლიოში ერთ-ერთი უძლიერესი ფეხბურთელი იყო. კრიშტიანუმ საცეკვაოდ დამპატიჟა, ვარდი მაჩუქა და ნომრები გავცვალეთ. პირველად მასთან პორტუგალიაში ვიყავი. ეს იყო მშვენიერი, შთამბეჭდავი ისტორია, რომელსაც გულში ვინახავ."

2011 წელს რაფაელას რომანი "მილანის" პრეზიდენტ სილვიო ბერლუსკონისთანაც ჰქონდა, რომელიც იმ დროს იტალიის პრემიერ - მინისტრი გახლდათ.

ცოტა მოგვიანებით, რაფაელა "მანჩესტერ სიტის" იმდროინდელ ფორვარდ, მარიო ბალოტელისთანაც იქნა შემჩნეული, რომელსაც მან ქალიშვილი პია გაუჩინა. ფეხბურთელი დიდი ხნის განმავლობაში მამობას არ აღიარებდა, თუმცა მსახიობის მიერ ჩატარებულმა დნმ-ის ტესტმა მისი სიმართალე დაადასტურა.

სანამ მარიო მამობას უარყოფდა, რაფაელამ ფეხმძიმობისას პოდიუმზე გავლაც მოასწრო.

რაფაელა ფიკოს პარტნიორი მამაკაცების მიხედვით თუ ვიმსჯელებთ მისი მემუარები სავარაუდოდ ბესტსელერად იქცევა....