თეატრი გერმანიაში ოპერის ყურების შემდეგ 18 მაყურებელს სასწრაფო სამედიცინო დახმარება დასჭირდა 16 ოქტომბერი, 15:20  გერმანიაში 18 მაყურებელს ოპერის ყურების შემდეგ სასწრაფო სამედიცინო დახმარება დასჭირდა. გერმანიაში სკანდალურმა ოპერამ მაყურებელი ისეთ შოკში ჩააგდო, რომ სასწრაფო დახმარების გამოძახება გახდა საჭირო. ამის შესახებ Sky News წერს. 5 და 6 ოქტომბერს შტუტგარტში ფლორენტინა ჰოლზინგერის დადგმის- Sancta-ს პრემიერა გაიმართა. სპექტაკლის ყურების დროს რამდენიმე ადამიანს დაეწყო გულისრევა, სამს კი სამედიცინო დახმარება დასჭირდა. სულ 18 ადამიანი გახდა ცუდად. პარალელურად, მაყურებელი ოპერის ფინალს მხურვალე ოვაციებით შეხვდა.  Sancta დაფუძნებულია 1920-იანი წლების სკანდალურ ოპერაზე Sancta Susanna, მონაზონის ისტორია, რომელიც თრგუნავს საკუთარ სურვილებს. ოპერა შეიცავს სექსს, დასახიჩრებას და ნამდვილ სისხლს. სამსაათიანი სპექტაკლში არის ორი რამდენიმე წუთიანი სცენა, რომლის ყურება „შეიძლება რთული იყოს“, - აცხადებენ თეატრში.  ერთ-ერთში მსახიობის ზურგიდან ხორცის პატარა ნაჭერს ჭრიან, მეორეში კი ზურგით მდგარ ორი მამაკაცის კანს უხვრიტავენ, ერთმანეთზე ამაგრებენ და თოკით ზემოთ სწევენ. სცენაზე ასევე გამოდიან გორგოლაჭებზე მდგარი შიშველი მონაზვნები.   ავსტრიელი ქორეოგრაფი, 38 წლის ჰოლზინგერი ცნობილია თავისი სკანდალური დადგმებით. მის სპექტაკლებში ხშირად ჩნდებიან ნაწილობრივ ან სრულიად შიშველი ქალები. მისი წინა სპექტაკლებში შეხვდებოდით ტატუირებას, მასტურბაციას, სცენებს სისხლით და ექსკრემენტებით. 708 2-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
