გადავწყვიტეთ მშობლებს შევახსენოთ, რა ხდება მაშინ, როდესაც ძალიან სურთ შვილისგან ნამდვილი ვარსკვლავი აღზარდონ. შესაძლოა, ამ პატარა ვარსკვლავების ტრაგიკული ისტორიები დაეხმაროს სხვებს ბავშვობის შენარჩუნებაში, რადგან პოპულარობის ფასი ძალიან მაღალი აღმოჩნდა.

ევა იონესკო

ევას დედა, ირინა იონესკო, საფრანგეთში ძალიან ცნობილი პროფესიონალი ფოტოგრაფი იყო და საყვარელ მოდელად ქალიშვილი აირჩია. ქალიშვილს შიშველს ან ნახევრად ჩაცმულს, უხამს პოზებში იღებდა.

გოგონა მხოლოდ 4 წლის იყო, როცა დედამ მისი ფოტოების გაყიდვა დაიწყო, ხოლო 11 წლის ასაკში გოგონას ფოტოები „ფლეიბოიში“ გამოჩნდა. პარალელურად შედგა ევას კინოდებიუტი რომან პოლანსკის ფილმში (The Tenant, 1976), შემდეგ იყო ეროტიკული ფილმი (Maladolescenza, 1977).

ამის შემდეგ ატყდა სკანდალი და ირინა იონესკოს ჩამოერთვა მშობლის უფლებები და აეკრძალა ქალიშვილისთვის ფოტოების გადაღება, მაგრამ მან გააგრძელა ქალიშვილის ფოტოების ფარულად გაყიდვა.

2011 წელს ევამ გამოუშვა ავტობიოგრაფიული ფილმი „ჩემი პატარა პრინცესა“, რომლითაც, როგორც ჩანს, სურდა დედისთვის აეხსნა, რამდენად არასწორად მოიქცა. როგორც ჩანს, ქალიშვილთან რამდენიმე სასამართლო გარჩევამ ირინა იონესკო ვერაფერში დაარწმუნა.

ალანა ტომპსონი („საყვარელი ბუბუ“)

ალანას დედა, ჯუნი, ყოველთვის ოცნებობდა ცნობილი გამხდარიყო, ამიტომ 6 წლის ასაკიდან ქალიშვილს სილამაზის კონკურსებზე აგზავნიდა.

აღსანიშნავია, რომ ჯუნმა თავისას მიაღწია: ოჯახი პროდიუსერებმა შენიშნეს და შესთავაზეს მათ ცხოვრებაზე გადაეღოთ რეალითი შოუ „აი, საყვარელი ბუბუ!“

ეს მართლაც ოქროს საბადო იყო: შოუ არა ცნობილ ადამიანებზე, არამედ ტიპურ ოჯახებზე: ალკოჰოლიზმზე, დაუდევრობაზე, ადრეულ ქორწინებაზე და ორსულობაზე, მავნე კვებაზე, სკანდალებზე და სიმსუქნეზე - მანკიერების სრული ნაკრები, რომლის ყურებაც ყველას ასე აინტერესებს.

შოუს დროს ბუბუს დედამ ყველა რეკორდი მოხსნა. გადაღებამდე ქალიშვილს ასმევდა ლიმონათის და ენერგეტიკული სასმლის ნარევს, რომ ჯანი ბუბუ „უფრო ენერგიული“ ყოფილიყო, აჭმევდა მავნე საკვებს. შოუს გაგრძელებაზე უარი თქვეს, როცა ჯუნმა დაიწყო ცხოვრება ყოფილ შეყვარებულთან, რომელმაც 10 წელი გაატარა ციხეში 8 წლის გოგონას გაუპატიურების ბრალდებით. და ეს გოგო იყო ჯუნის უფროსი ქალიშვილი!

ახლა საყვარელი ბუბუ წარუმატებლად ცდილობს წონის დაკლებას, ხოლო დედამისს ჟურნალისტების თავდასხმებზე მხოლოდ ერთი პასუხი აქვს: „რა გავაკეთე? ალკოჰოლს ხომ არ ვასმევდი. არადა შემეძლო!“

რიჩარდ სანდრაკი

რიჩარდის მამა, საბრძოლო ხელოვნების ყოფილი ჩემპიონი, ყოველთვის ოცნებობდა მისი ვაჟი „მსოფლიოში უძლიერეს შვილად“ აღეზარდა! ბიჭი მხოლოდ 2 წლის იყო, როცა ოჯახი უკრაინიდან აშშ-ში გადავიდა და რიჩარდმა დაიწყო მისი ყოველდღიური წვრთნა.

შედეგად, რიჩარდის მამა ბავშვზე ძალადობაში დაადანაშაულეს: რიჩარდს არ ჰქონდა თამაშის უფლება, არ შეეძლო ქუჩაში გასეირნება, არაჯანსაღი, მაგრამ გემრიელი საკვების ჭამა და ბუნებრივია, ვარჯიშიდან დასვენება.

სამაგიეროდ, უკვე 8 წლის ასაკში შეეძლო ორმაგი წონის აწევა, 11 წლის - სამმაგი წონის. 8 წლის ასაკში რიჩარდი გახდა მსოფლიოში ყველაზე ძლიერი ბავშვი: მას იწვევდნენ სატელევიზიო შოუებში, ვარჯიშებსა და შეჯიბრებებზე და „პატარა ჰერკულესს“ უწოდებდნენ.

მალე „პატარა ჰერკულესმა“ გაწყვიტა ყველა კავშირი მამასთან: კაცს 3 წელი მიუსაჯეს ძალადობისთვის, ცოლს სცემდა. პოლიცია თავად რიჩარდმა გამოიძახა. შემდეგ ვარჯიშები დასრულდა.

ახლა ყოფილი ბოდიბილდერი 32 წლისაა და არც ისე მაგრად გამოიყურება, როგორც ახალგაზრდობაში.

„ძალიან ვამაყობ ჩემი ბავშვური მიღწევებით, მათი არ მრცხვენია და არ ვცდილობ ჩემი ცხოვრების ამ პერიოდის დამალვას. უბრალოდ აღარ მინდა ასე ცხოვრება“ - ამბობს ის.

მამასთან, რომელიც დიდი ხანია ციხიდან გამოვიდა, ურთიერთობა არ აქვს.

ბიორნი ანდერსენი

როდესაც ბიორნი 6 წლის იყო, დედამისს მშობლის უფლება ჩამოერთვა და ბიჭზე მეურვეობა ბებიამ აიღო. თავად ბიჭი პიანისტობაზე ოცნებობდა, მაგრამ ბებია, რომელიც მუშაობდა სტოკჰოლმის კინოსტუდიაში, შვილიშვილის კინოკარიერაზე ოცნებობდა, მით უმეტეს, რომ ამისთვის გარეგნული თვისებები ჰქონდა.

პირველივე კასტინგზე რეჟისორმა ლუკინო ვისკონტიმ აირჩია იგი ტაძიოს როლზე თომას მანის რომანის ეკრანიზაციაზე „სიკვდილი ვენეციაში“: ეს არის ისტორია მწერალ გუსტავ ფონ აშენბახის არაჯანსაღი ვნების შესახებ ახალგაზრდა პოლონელი არისტოკრატის ტაძიოს მიმართ.

ბიორნის გადაღებებში მონაწილეობა გაუჭირდა: რეჟისორმა ბავშვს აუკრძალა გარუჯვა, ზღვაში ბანაობა, სხვა ბავშვებთან თამაში, გოგონებთან არშიყი. როგორც კი ვისკონტი ამას ამჩნევდა, მაშინვე სკანდალს აწყობდა და გადაღებებს წყვეტდა. ანდერსენს კატეგორიულად ეკრძალებოდა ახალგაზრდა არისტოკრატი ჰომოსექსუალის იმიჯის დატოვება.

პრემიერის შემდეგ ბიორნი პოპულარული გახდა. ჟურნალისტები მას „მე-20 საუკუნის ყველაზე ლამაზ ბიჭს“ უწოდებდნენ. ამავდროულად, ჟურნალისტები მუდმივად ცდილობდნენ მამაკაცებთან კონტაქტში მის დაჭერას, რასაც ფილმის რეჟისორი ხელს უწყობდა: პრემიერის შემდეგ ბიორნი გეი კლუბში მიიწვია.

შედეგად, ბიორნმა, რომელმაც ვერ გაუძლო ასეთ ზეწოლას, ნამდვილად დაიწყო კაცებთან შეხვედრა, მაგრამ მოგვიანებით ინანა:

„ჰომოსექსუალურმა გამოცდილებამ, რომელიც მოზარდობაში მქონდა, ჩემს ფსიქიკაზე ნეგატიურად იმოქმედა. საყოველთაო გავლენას ვერ გავუძელი და საკუთარ თავს ფიზიკური და მორალური ზიანი მივაყენე“ - თქვა მოგვიანებით.

შედეგად, ბიორნმა ამის დაძლევა შეძლო, მუსიკალურ საქმიანობას დაუბრუნდა და დაქორწინდა. ახალგაზრდობას მაინც სინანულით იხსენებს.

ლინდსი ლოჰანი

ლინდსის კარიერა 3 წლის ასაკში დაიწყო. ჯერ ბავშვ მოდელად მუშაობდა, შემდეგ სერიალზე გადავიდა, 11 წლის ასაკში ითამაშა მთავარი როლი კომედიაში „მშობლების მახე“, რომელმაც დიდ კინოში გზა გაუხსნა.

ახალგაზრდა ლინდსის ერთ-ერთი ყველაზე წარმატებული პროექტი გახდა „ცუდი გოგონები“, რომლის შემდეგაც პაპარაცებმა 16 წლის ლოჰანს დევნა დაუწყეს.

შემდეგ რაღაც არასწორად წარიმართა. გარდამტეხი პერიოდი, სუპერვარსკვლავის სტატუსის სტრესი და პირველი წარუმატებელი როლიდან გამოწვეული განცდები ერთმანეთს შეერია: ჯილდოების, აპლოდისმენტების და შექების შემდეგ ლინდსიმ პირველად მიიღო ანტიპრემია „ოქროს ჟოლო“ კომედიისთვის „უბრალოდ იღბლიანი“ 2006 წელს.

ამავდროულად, მსახიობი იწყებს ანონიმური ალკოჰოლიკების შეხვედრებზე დასწრებას და ერთი წლის შემდეგ გადაწყვეტს გაიაროს რეაბილიტაცია ნარკომანთა კლინიკაში. ყველამ იცის, რა მოხდა შემდეგ. დაპატიმრებები ნასვამ მდგომარეობაში მართვისთვის და უბედური შემთხვევების გამო, სკანდალები გადასაღებ მოედანზე მოპარული ნივთების გამო, კლინიკიდან გაქცევა, საზოგადოებრივი მუშაობა მორგში.

თუმცა ლინდსიმ ცხოვრების შეცვლა შეძლო. 2022 წელს ცოლად გაჰყვა არაბ ბანკირს ბადერ შამას, ხოლო 2023 წელს ვაჟი შეეძინა.

მაკოლეი კალკინი

მაკოლეი კალკინის ისტორია, რომელიც გახდა პოპულარული და მდიდარი კომედიის „მარტო სახლში“ გამოსვლის შემდეგ, კლასიკური მაგალითია ბავშვის ტრაგიკული ბედის, რომელმაც ადრეულ დიდებას ვერ გაუძლო.

ამასთან, კალკინს ერთი როლის მსახიობს ვერ ვუწოდებთ. ყველა შანსი ჰქონდა, გამოსულიყო კომედიური იმიჯიდან. მაგალითად, 1993 წელს მაკოლეიმ უარყოფითი როლი შეასრულა დრამატულ თრილერში „კარგი ვაჟი“.

რეჟისორები უარს არ ამბობდნენ ახალგაზრდა ნიჭიერთან მუშაობაზე, მაგრამ წარმატებით შთაგონებული ბიჭი პროექტებში მონაწილეობისთვის მილიონებს ითხოვდა, ხოლო მისი მშობლები განქორწინების პირას იყვნენ შვილის ქონების განკარგვასთან დაკავშირებული კონფლიქტის გამო.

კალკინი იძულებული გახდა დროებით შეეწყვიტა ფილმებზე მუშაობა, რათა მშობლებს ფინანსური საკითხი მოეგვარებინათ. საბოლოოდ, მშობლები დაშორდნენ, ფული უკვე გაზრდილ მაკოლეის დარჩა, მაგრამ რეჟისორებმა დაივიწყეს ახალგაზრდა ბიჭი.

მით უფრო, რომ კალკინმა დაკარგა ახალგაზრდული ხიბლი, მიეძალა ალკოჰოლს და პრეპარატებს, 17 წლის ასაკში მოასწრო დაქორწინება მსახიობ რეიჩელ მაინერზე და 2 წლის შემდეგ განქორწინება.

ზრდასრულ ასაკში კალკინის ერთადერთი ცნობილი კინონამუშევარი იყო როლი ტრაგიკომედიაში „მონსტრების წვეულება“, სადაც განასახიერა ცნობილი პრომოუტერი მაიკლ ელიგი, რომელმაც მისი ნარკოდილერი მოკლა. კრიტიკოსებმა და მაყურებლებმა ამ როლში კალკინის შინაგანი სამყაროს ანარეკლი დაინახეს.

2012 წლის დეკემბერში გავრცელდა ინფორმაცია, რომ მაკოლეიმ სცადა თვითმკვლელობა დეპრესიის გამო მსახიობ მილა კუნისთან ურთიერთობის გაწყვეტის შემდეგ.

2017 წელს ტაილანდში ბრენდა სონგა გაიცნო. მასთან მეგობრობა სასიყვარულო ურთიერთობაში გადაიზარდა. 2021 წელს წყვილს ვაჟი შეეძინათ, ხოლო 2023 წელს მეორე ვაჟის მშობლები გახდნენ. მაკოლეი კალკინი კინოში იშვიათად ჩნდება და ოჯახს დიდ დროს უთმობს.