შესაძლოა ცოტათი ვაწყენინო ახლანდელ ბიჭებს, ან ზოგიერთი მათგანის გაბრაზებაც კი გამოვიწვიო, მაგრამ არ შემიძლია არ აღვნიშნო და, ვფიქრობ, გოგოებიც დამეთანხმებიან, რომ ნამდვილი ჯენტლმენების რიცხვი დღითიდღე უფრო იკლებს.სულაც არ ვგულისხმობ ზღაპრულ რაინდებს და ასე შემდეგ.უბრალოდ გარშემო სიტუაციას თუ

დაუკვირდებით, მიხვდებით, რომ ქალთან მოპყრობა თანამედროვე მამაკეცბმა საერთოდ არ იციან.ელემენტარულად, საზოგადოებრივ ტრანსპორტში შეიხედეთ, სადაც ქალები ყოველთვის ფეხზე დგანან, კაცები კი კომფორტულად სხედან და აუცილებლად ფანჯრისკენ იყურებიან, ვითომ ვერ ხედავენ, რომ ტრანსპორტში ქალი ამოვიდა.სადმე რიგში თუ დგახართ, გადაგივლიან, ოღონდაც წინ გადავიდნენ, დათმობაზე ხომ ლაპარაკი ზედმეტია.ზოგჯერ ვუყურებ ასეთ საქციელს და მათ მაგივრად მე მცხვენია.სხვათაშორის, ამ ყველაფერს უფროსი თაობის წარმომადგენელებიც აკეთებენ და, რა გასაკვირია, რომ მათ მაგალითს ახალგაზრდებმაც მიბაძონ.ქალებთან ზრდილობიანი საუბრის მანერებიც კი დაივიწყეს და სულაც არ უყურებენ გვერდით გოგო უდგათ თუ არა, ისე თავისუფლად იყენებენ საუბარში უწმაწურ სიტყვებს.რა დაემართათ თანამედროვე მამაკაცებს?ფანჯარასთან სერენადების სიმღერას და გმირული მსხვერპლის გაღებას ხომ არ გთხოვთ, ელემენტარული ზრდილობაა, რაც წესით ყველას უნდა გააჩნდეს.მანერებს თავი დავანებოთ, აზროვნებაც სხვანაირი გაუხდათ, გოგოსთვის ზედმეტად თავის შეწუხება აღარ სურთ, პირიქით, იმისგან ელოდებიან ურთიერთობებში ინიციატივას და ქალისთვის ბრძოლა ეზარებათ, აღარაფერს ვამბობ რომანტიკულ სიურპრიზებსა და სიგიჟეებზე.ძალიან ბევრჯერ მინახავს, რომ ბიჭი გოგოსგან საკმარის ყურადღებას ვერ გრძნობს და ეგრევე თავს ანებებს, ოდნავაც არ ცდილობს მისი ყურადღება მიიქციოს და თავი მოაწონოს.სამაგიეროდ, გოგონები გააქტიურდნენ და, მგონი, ქალები და კაცები უკვე როლებს ცვლიან.ალბათ თავის გასამართლებლად უამრავ მიზეზს გამოძებნიან ბიჭები, მაგრამ ის, რომ ჯენტლმენები თითქმის გაქრნენ, ჩემი შეფასება კი არა, უბრალოდ ფაქტია.