ამერიკელ ქალს გაცნობის საიტიდან მამაკაცი შეუყვარდა და კილერი დაიქირავა მისი ცოლის მოსაკლავად.

ამერიკელმა ქალმა საყვარლის ცოლის მიმართ ეჭვიანობის გამო დაიქირავა მკვლელი. ამის შესახებ New York Post-ი იუწყება.

2023 წელს, 48 წლის მელოდია სასერმა ტენესის შტატიდან ვებ გვერდ დარკნეტში დარეგისტრირდა და ადმინისტრატორს მისწერა, თხოვნით დაექირავებინა მისთვის კილერი. სასერმა განმარტა, რომ მას სჭირდებოდა ქალის, ჯ.ვ.-ს მოშორება, რომელიც ქმართან ერთად ცხოვრობს პრატვილში, შტატი ალაბამა.

მან ასევე სთხოვა, რომ სიკვდილი უბედური შემთხვევის ინსცენირება ყოფილიყო ან თუნდაც დოზის გადაჭარბება. ”საჭიროების შემთხვევაში ჩაუყარეთ ნარკოტიკები, არ მინდა, რომ ხანგრძლივი გამოძიება აწარმოონ ”, - წერდა იგი ადმინისტრატორს.

ამერიკელმა შეკვეთაში 10 ათასი დოლარი ბიტკოინებით გადაიხადა.

შეკვეთის შესრულებას ლოდინში, ქალი წყვილის გადაადგილებას ადევნებდა თვალს სპორტული აპლიკაციის საშუალებით, რომელიც აჩვენებს ლოკაციებს და საფეხმავლო მარშრუტებს.

მან ასევე დატოვა მუქარის შემცველი ხმოვანი შეტყობინება წყვილის ავტომოპასუხეზე, რა დროსაც ხმა შეიცვალა სპეციალური პროგრამის გამოყენებით. ორი თვის შემდეგ, სამუშაო ჯერ კიდევ არ იყო დასრულებული და სასერმა დაიწყო შეტყობინებების გაგზავნა საიტზე. მოითხოვდა, რომ სასწრაფოდ გამკლავებოდნენ კონკურენტს და საყვედური გამოუცხადა კონტრაქტორს ვადის გაჭიანურებისათვის.

როდესაც ქალი შემდგომში დააკავეს, მან განაცხადა, რომ გაცნობის საიტზე შეხვედრის შემდეგ მას მამაკაცი შეუყვარდა.

სასამართლო პროცესზე მამაკაცმა უარყო მოვლენების მისეული ვერსია. მისი თქმით, ის და სასერი შეხვდნენ აპალაჩის ბილიკზე, სადაც ის ასვლაში დაეხმარა მას. გამომძიებლებმა ქალის სახლში აღმოაჩინეს მრავალი მტკიცებულება, რითაც კონკურენტის მოშორებას აპირებდა. სასერმა დანაშაული აღიარა საპროცესო შეთანხმების ფარგლებში და მიესაჯა ასი თვით თავისუფლების აღკვეთა.