სკოლაში ბევრს არ მოსწონს ისტორია და სახელმძღვანელოებიდან მიღებული ინფორმაცია მათთვის მოსაწყენია. სინამდვილეში, ბევრი ისეთი ფაქტი და მოვლენა არსებობს ჩვენს წარსულზე, რომ მოსაწყენად ნამდვილად არ ჩათვლიდით. წარმოგიდგენთ საინტერესო ფაქტებს ისტორიული პიროვნებების ბიოგრაფიიდან, რომელთა შესახებ შეიძლება არ იცოდეთ:

1. ჟანა დარკი

წარსულში ქალები ყოველთვის გრძელ თმას ატარებდნენ, მაგრამ ჟანა დარკი ეწინააღმდეგებოდა საზოგადოებრივ აზრს და მოკლედ იჭერდა თმას, ასევე ეცვა მამაკაცის ტანსაცმელი. ეს ფაქტი საბოლოოდ შევიდა ინკვიზიციის 12 ბრალდებაში. ისტორიული მონაცემებით, ჟანას თავში წმინდანების ხმები ესმოდა და ისინი ეუბნებოდნენ, რა უნდა გაეკეთებინა. თითქმის 500 წლის შემდეგ, ორლეანში პოლონელმა დალაქმა, შექმნა ყველაზე პოპულარული ქალის ვარცხნილობა, მოკლე ბობი.

2. აბრაამ ლინკოლნი

აბრაამ ლინკოლნი იყო ამერიკის ერთ-ერთი უდიდესი პრეზიდენტი. ახალგაზრდობაში გამოცდილი მებრძოლი იყო. მას მეტსახელად "პატიოსანი აბე" შეარქვეს იმის გამო, რომ ჩვევად ჰქონდა ყველა ვალის გადახდა. და ყოველთვის მზად იყო ეპასუხა, თუ დუელში გამოწვევდნენ. ის ჭიდაობის დიდების დარბაზშიც კი არის შეყვანილი.

3. ალბერტ აინშტაინი

აინშტაინს მეტყველების განვითარებასთან დაკავშირებული პრობლემები ჰქონდა. პირველი სიტყვა მან მხოლოდ ოთხი წლის ასაკში წარმოთქვა. მშობლებს სერიოზულად ეშინოდათ, რომ ბავშვი გონებრივად ჩამორჩენილი დაიბადა. აინშტაინის გარდაცვალების შემდეგ, პათოლოგმა, რომელიც ახორციელებდა გაკვეთას, მოიპარა მისი ტვინი. მართალია, მოგვიანებით მან მაინც მიიღო ნებართვა აინშტაინის შვილისგან, მაგრამ მაინც გაათავისუფლეს პრინსტონიდან.

4. მერილინ მონრო

სექს-სიმბოლოს რთული ბავშვობა ჰქონდა. ნორმას დედა ფსიქიატრიულ საავადმყოფოში პაციენტი იყო, ამიტომ გოგონა თავშესაფარში ცხოვრობდა. 11 სხვადასხვა ოჯახმა სცადა მისი შვილად აყვანა, მაგრამ ყოველ ჯერზე უკან აბრუნებდნენ.

5. მეფე მოკვდა! გაუმარჯოს მეფეს!

ეს ფრაზა ტრადიციულია საფრანგეთისა და ინგლისის მეფეების გამეფებისთვის და ითარგმნა ფრანგულიდან. ის პირველად წარმოთქმული იყო კარლ VII-ის კორონაციის დროს 1422 წელს, მამის, ჩარლზ VI-ის გარდაცვალების შემდეგ. იმ დროს ინგლისში არისტოკრატების ძირითადი ენა ფრანგული იყო და დევიზი ნიშნავდა: „ტახტი არასოდეს იქნება ცარიელი; ქვეყანა არასოდეს არ უნდა იყოს მონარქის გარეშე“.

6. ჩარლზ დარვინი

ყველაზე ცნობილ ნატურალისტს არ ჰქონდა ბიოლოგიური განათლება. სკოლის დამთავრების შემდეგ დარვინმა გადაწყვიტა გაეგრძელებინა ოჯახური ტრადიცია და ჩააბარა ედინბურგის უნივერსიტეტის მედიცინის ფაკულტეტზე, მაგრამ მედიცინას მაინც დაემშვიდობა. მიზეზი სისხლის პათოლოგიური შიში იყო.

7. იულიუს კეისარი

იულიუს კეისარს უფლება ჰქონდა თავზე მუდამ დაფნის გვირგვინი ჰქონოდა. და ის მუდმივად იყენებდა მას, რადგან სურდა დაემალა თავისი სიმელოტე, რაც ძალიან ხშირად იწვევდა დაცინვას მისი მტრებისგან. კეისარი გათხელებულ თმას თავის გვირგვინიდან შუბლამდე ივარცხნიდა.

8. ჰენრი ფორდი

ჰენრი ფორდის კომპანიას ჰქონდა ტრადიცია თანამშრომლების აყვანის მიუხედავად მათი ჯანმრთელობის მდგომარეობისა. ასე რომ, 1917 წელს მასზე დაახლოებით 6000 შეზღუდული შესაძლებლობის მქონე ადამიანი მუშაობდა.

9. ვოლტერი

ისტორიული მონაცემებით ვოლტერს უყვარდა ყავა: დღეში დაახლოებით 50 ფინჯანს სვამდა. მაგრამ ეს არ იყო სუფთა ყავა, ეს იყო შოკოლადისა და ყავის ნაზავი. ექიმმა გააფრთხილა, რომ მისი საყვარელი სასმელი მოკლავდა, მაგრამ ვოლტერმა მოახერხა ოთხმოცი წლის სიცოცხლე.

10. კრისტოფერ კოლუმბი

დეტრაქტორებმა კოლუმბს უთხრეს, რომ ამერიკის აღმოჩენა არც ისე რთული იყო. ნავიგატორი ასე მოიქცა: მან მტრებს სთხოვა, კვერცხი აეღოთ და ვერტიკალურად დაეყენებინათ. ვერავინ შეძლო. შემდეგ კრისტოფერმა ეს თავად გააკეთა, კვერცხის წვერი მაგიდაზე გააბრტყელა და თქვა: „ეს ისეთივე მარტივი იყო, როგორც ამერიკის აღმოჩენა“.