ქალი, რომელიც სექს-მონად ჰყავდა "პოლონელ იოზეფ ფრიტცლს", საშინლად დასახიჩრდა, მათ შორის აღარ აქვს ტუჩები და ყველა კბილი დაკარგული აქვს.

ექიმების სამედიცინო დასკვნის მიხედვით ახალი შემაშფოთებელი დეტალები გახდა ცნობილი ქალის წამების შესახებ, რომელსაც თითქმის ხუთი წლის განმავლობაში ტყვეობაში ჰყავდა მონსტრ- მოძალადეს.

მის სავარაუდო გამტაცებელს, 35 წლის მატეუშ იაკს, გასულ კვირას ბრალი წაუყენეს ფსიქიკურ, ფიზიკურ და სექსუალურ ძალადობაში მას შემდეგ, რაც ქალი გადაიყვანეს საავადმყოფოში მოტეხილი მხრის სამკურნალოდ და თავისი ისტორია პალატის მეზობელს მოუყვა.

30 წლის ქალმა, რომლის სახელია მალგოჟატა უამბო პალატში პაციენტს, თუ როგორ აუპატიურებდა და აწამემდა მას მამაკაცი სოფელ გლოგოვში, (დასავლეთ პოლონეთი) სადაც საბძელში ჰყავდა გამომწვდეული.

ექიმების განცხადებით, ქალს სხეულზე მრავლობითი დაზიანება აღენიშნებოდა და მისი ფსიქიკური მდგომარეობაც შერყეული არის. ცნობილია, რომ ქალს მოძალადისგან შვილიც ეყოლა, რომელიც გააშვილეს.

ძალადობაში ბრალდებულ მამაკაცს 25 წლით თავისუფლების აღკვეთა ემუქრება. გამოძიების ინფორმაციით, მან ქალი, სავარაუდოდ, პაემნის დროს გაიტაცა და წაიყვანა სოფელში სადაც 5 წლის განმავლობაში თავის ეზოს საბძელში ჰყავდა დამწყვდეული.