„ყველამ იცის რომ ინგლისური არ ვიცი. ჯერ კიდევ ვსწავლობ და თარჯიმანი მყავდა წამოყვანილი. მე თვითონ ვცდილობდი, რომ მესაუბრა, რამეს მაინც თუ გავიგებდი ცოტას მე თავად ვპასუხობდი. არა სწორად ვიძახი ბევრ რაღაცას მაგრამ ხომ ვაგებინებ“, - ამბობს თამო ვაშალომიძე.

შეგახსენებთ, რომ ვენეციის კინოფესტივალზე წარდგენილი იყო დეა კულუმბეგაშვილის ფილმი "აპრილი", რომელმაც ჟიურის სპეციალური პრიზი დაიმსახურა.

ფილმში მთავარ როლებს ასრულებენ მერაბ ნინიძე, ია სუხიტაშვილი და კახა კინწურაშვილი. ფილმი გვიამბობს მეან ქალზე, რომლის როლსაც ია სუხიტაშვილი ასრულებს და რომელიც ორსულობის ნაადრევ შეწყვეტაში ეხმარება თანასოფლელებს.

აქამდე მთავარ კონკურსზე ქართული ფილმი მხოლოდ ორჯერ მოხვდა, ორივე გასული საუკუნის 90-იან წლებში - 1992 წელს ლანა ღოღობერიძის „ვალსი პეჩორაზე“ და 1996 წელს, ოთარ იოსელიანის „ყაჩაღები“.

ვენეციის კინოფესტივალის ოქროს ლომი გადაეცა პედრო ალმოდოვარს ფილმისთვის "მეზობელი ოთახი".