ფლორიდული წყალი არის არომატული ნარევი მდიდარი ისტორიით, რომლის ფესვები მიდის ვუდუს და სხვა სულიერი პრაქტიკის ტრადიციებში. მას მრავალი კულტურა იყენებდა და იყენებს სხვადასხვა რიტუალში და ყოველდღიურ ცხოვრებაში. გიამბობთ საინტერესო ფაქტებს ამ უჩვეულო პარფიუმერულ საშუალებაზე.

რისთვის გამოიყენება ფლორიდული წყალი?

ფლორიდული წყლის ზუსტი რეცეპტი საიდუმლოდ ინახება და ოდნავ შეიძლება განსხვავდებოდეს მწარმოებლიდან გამომდინარე. თუმცა მისი არომატი ეფუძნება ციტრუსის ნოტებს (ფორთოხალი, ლიმონი), რომელსაც ავსებს ყვავილოვანი და პიკანტური აკორდები. ეს წყალი ითვლება ძლიერ საშუალებად სივრცის ნეგატიური ენერგიისგან გასაწმენდად, ასევე დამცავი ბარიერის შესაქმნელად.

მას იყენებენ სახლების, საგნების საკურთხევლად, ასევე პირადი დაცვისთვის. ითვლება, რომ ფლორიდული წყალი ხელს უწყობს წარმატების, კეთილდღეობის და პოზიტიური ცვლილებების მოზიდვას. ბევრს სჯერა, რომ ეს არომატი ხელს უწყობს ინტუიციის და სულიერ სამყაროსთან კავშირის გაძლიერებას.

ფლორიდული წყალი ფართოდ გამოიყენება სხვადასხვა რიტუალში, როგორიცაა:

სულების გამოძახება;

სურვილების ასრულება;

სასიყვარულო ჯადოქრობა;

მკითხაობა

ყოველდღიური გამოყენება

ფლორიდული წყალი დიდი ხანია გასცდა რიტუალებს და მაგიურ პრაქტიკებს. მისი ციტრუსის არომატი მსუბუქი პიკანტური ნოტებით ბევრს მოსწონს და ყოველდღიურად იყენებს. რატომ ირჩევენ ფლორიდულ წყალს ყოველდღიური გამოყენებისთვის?

მთავარი მიზეზი - არომატის უნივერსალურობა. ფლორიდული წყლის ჯანსაღი და გამამხნევებელი სუნი წყლის ნებისმიერი სეზონისა და ნებისმიერი შემთხვევისთვის შესაფერისია. საკმარისად ნეიტრალურია, რომ სხვები არ გააღიზიანოს. ამავდროულად, გამოხატულ ინდივიდუალურობას ფლობს. ციტრუსი ნოტები ასოცირდება სისუფთავესთან, სიახლესთან, ენერგიასთან. ამ მიზეზით ამ წყალს ხშირად იყენებენ პოზიტიური და გამამხნევებელი ატმოსფეროს შესაქმნელად.

ფლორიდული წყლის სუნამოდ გამოყენებას ფესვები ისტორიაში აქვს. ბევრი ადამიანი აფასებს ამ ტრადიციას და ირჩევს ამ არომატს, როგორც ხარკს წარსულისთვის. პროდუქტი შეიცავს ბუნებრივ ეთერზეთებს, რომელთაც აქვთ არა მხოლოდ სასიამოვნო სუნი, არამედ სასარგებლო თვისებები კანისა და მთელი ორგანიზმისთვის.

ფლორიდული წყლის მომზადების რეცეპტი

შეავსეთ ქილა ¾-ით ბალახებით, ციტრუსის ცედრით, ყვავილებით და სანელებლებით. ყვავილებიდან შესაფერისია ვარდი, ლავანდა, ჟასმინი, გვირილა, ია. ბალახებიდან - კვლიავი, როზმარინი, თავშავა, სალბი, რეჰანი, ევკალიპტი, პიტნა, ბარამბო. შესაფერისი სანელებლები: დარიჩინი, მიხაკი, ანისული, ილი, შავი ან ბაჰარის წიწაკა, ვანილი. აირჩიეთ ინგრედიენტები, რომლებიც მოგწონთ.

ნახევარი ქილა შეავსეთ გამოხდილი წყლით (არ გამოიყენოთ ონკანის წყალი), მეორე ნახევარი - არყით ან სპირტით. თავსახური დაახურეთ და ფრთხილად შეანჯღრიეთ ინგრედიენტების შესარევად.

შეინახეთ გრილ, ბნელ საკუჭნაოში ან კარადაში 40 დღის განმავლობაში, დღეში ერთხელ შეანჯღრიეთ. ინგრედიენტები მარლაში გადაწურეთ და ფლორიდული წყალი ჰერმეტულ მინის ბოთლში შეინახეთ.

როგორ გამოვიყენოთ ეს წყალი ყოველდღიურობაში?

ცოტა სუნამო წაისვით მაჯაზე, ყელზე ან ყურებზე. ასე მსუბუქ არომატს შექმნით. ჰაერის კარგი გამაჯანსაღებელია. ფლორიდული წყალი ოთახში გააფრქვიეთ და სასიამოვნო ატმოსფეროს შექმნით.

რამდენიმე წვეთი წყალს დაუმატეთ თეთრეულის რეცხვისას ან ქსოვილს წაუსვით დაუთოებამდე. თეთრეული სასიამოვნო არომატს შეიძენს. ცოტა ფლორიდული წყალი აბაზანას დაუმატეთ და მოდუნებაში, დაძაბულობის მოხსნაში დაგეხმარებათ.

სახლის გაწმენდა უარყოფითი ვიბრაციებისგან

ფლორიდული წყალი უბრალოდ არომატული ნარევი არ არის. ეს არის ინსტრუმენტი, რომელიც გამოიყენება სხვადასხვა სულიერ პრაქტიკაში სივრცის და ადამიანის ენერგეტიკული ველის გასაწმენდად. ითვლება, რომ ამ წყალს აქვს ძლიერი თვისებები, რომელსაც შეუძლია განდევნოს უარყოფითი ენერგია და შექმნას დამცავი ველი.

სახლის გაწმენდის ერთ-ერთი ყველაზე მარტივი და ეფექტური გზაა ფლორიდული წყლის გასხურება ყველა ოთახში. განსაკუთრებული ყურადღება დაუთმეთ იმ კუთხეებს, სადაც ნეგატიური ენერგია გროვდება. რამდენიმე წვეთი წაუსვით სახლის დეკორაციებს, როგორიცაა ნახატები, სტატუეტები ან მცენარეები.

ეს ხელს შეუწყობს ნეგატიური ენერგიის მოშორებას და პოზიტიური ატმოსფეროს შექმნას. ფლორიდული წყალი შეასხურეთ კარებს და ფანჯრების ჩარჩოებს, რომ შექმნათ დამცავი ბარიერი, რომელიც ნეგატიურ ენერგიას სახლში შემოღწევის საშუალებას არ მისცემს.

სხეულის გაწმენდა ფლორიდული წყლით

რამდენიმე წვეთი ფლორიდული წყალი აბაზანას დაუმატეთ. ასე მთელი დღის განმავლობაში დაგროვებულ ნეგატიურ ენერგიას მოიშორებთ. თმაზე გადაივლეთ წყალი ამ ჯადოსნური საშუალების დამატებით.

ასე არა მხოლოდ თმას გაწმენდთ, არამედ დამცავ ველს შექმნით. გამოიყენეთ ფლორიდული წყალი არომანათურაში ან დიფუზორში მშვიდი ატმოსფეროს შესაქმნელად.

რიტუალები ფლორიდული წყლის გამოყენებით

კრისტალები ჩაყარეთ წყალში და დაუმატეთ ფლორიდული წყალი. რამდენიმე საათი გააჩერეთ. ასე მათ გაწმენდთ ნეგატიური ენერგიისგან და მათ ბუნებრივ თვისებებს აღადგენთ. რამდენიმე წვეთი ამულეტს ან თილისმას წაუსვით, რომ დადებითი ენერგიით დამუხტოთ.

მედიტაციის დროს ფლორიდული წყალი თქვენს გარშემო გააფრქვიეთ, რათა შექმნათ სიმშვიდის და კონცენტრაციის ატმოსფერო. გახსოვდეთ, რომ ფლორიდული წყლის გამოყენების ეფექტურობა დიდწილად დამოკიდებულია თქვენს განზრახვაზე. რაც უფრო ძლიერია გაწმენდის და დაცვის სურვილი, მით უფრო კარგი შედეგი იქნება.

სახლში სისუფთავის და ჰარმონიის შესანარჩუნებლად რეკომენდებულია, გაწმენდის რიტუალი რეგულარულად ჩაატაროთ. ფლორიდული წყლის გამოყენება შეგიძლიათ გაწმენდის სხვა რიტუალებთან ერთად, როგორიცაა საკმევლის დაწვა, ხმის ვიბრაციები ან მედიტაცია.

ფლორიდული წყალი მრავალმხრივი პროდუქტია, რომელიც აერთიანებს უძველეს ტრადიციებს და თანამედროვე ტენდენციებს. მისი გამოყენება ყოველდღიურ ცხოვრებაში არ არის მხოლოდ მოდის ხარკი, არამედ შეგნებული არჩევანი ბუნებრიობის, ინდივიდუალობის და ისტორიასთან კავშირის სასარგებლოდ.

ასევე დაგაინტერესებთ:

წვრილმანები, რომლებიც სახლში წარმატებას მოგიტანთ და ენერგეტიკას გააუმჯობესებს: მარილის ნათურა, რკო

10 ნივთი, რომლებიც სახლის ენერგეტიკას ანადგურებს და წარუმატებლობას იზიდავს

რჩევები, როგორ მოვიზიდოთ ფინანსები სახლში

რატომ ითვლება ერთ-ერთ ყველაზე ძლიერ ამულეტად ბედნიერების ღილი

მეგობარმა სურათი კოლიბრით მაჩუქა: გამიკვირდა, მაგრამ მალე ფინანსური მდგომარეობა გამიუმჯობესდა