ბოშათა თემი თავისი ტრადიციების მიხედვით ერთ-ერთი ყველაზე საინტერესოა მთელს მსოლფიოში. ახალგაზრდა ბოშები ზედმიწევნით იცავენ საკუთარი წინაპრების ტრადიციებსა და წეს-ჩვეულებებს, და ყველანაირად ცდილობენ უფროსების მითითებების მიხედვით ცხოვრებას. ახალგაზრდა ბოშებს ამ წესების დაცვა უპირობოდ უწევთ.

ბოშების თემში გოგონები გაუთხოვრები თითქმის არასდროს რჩებიან, რადგან აქ უკვე 16-17 წლის ასაკში მათი გათხოვება ჩვეულებრივი მოვლენაა. ბიჭები კი როგორც წესი, 18-19 წლის ასაკში ქორწინდებიან.

ბოშათა თემში ქორწინება ცხოვრებაში მხოლოდ ერთხელ ხდება და ისიც სამუდამოდ, ამიტომ განქორწინება წყვილებს შორის პრაქტიკულად არ ხდება.

გასათხოვარი გოგონა აუცილებლად ქალწული უნდა იყოს, წინააღმდეგ შემთხვევაში, მას, ისევე როგორც მის მთელს ოჯახს საჯაროდ შერცხვენა ელის.

ასეთ გოგონას არც ერთი კაცი ცოლად არ წაიყვანს, ამიტომ დიდი შანსია ის სამუდამოდ გაუთხოვარი დარჩეს.

ბოშათა თემში სხვა ეროვნების წარმომადგენლებთან ქორწინება კარგ ტონად არ ითვლება. ბოშები თავიანთი კულტურისა და ტრადიციების მიმართ ძალიან მგრძნობიარენი არიან და მის შენარჩუნებასა და დაცვას ყველანაირად ცდილობენ, ამიტომ ზოგჯერ ქორწინება ბიძაშვილებს შორისაც კი ხდება.

ბოშა გოგონა მშობლებს წინააღმდეგობას როგორც წესი, არასდროს უწევს, ის მათ ბოლომდე ემორჩილება. ის ვალდებულია გააკეთოს ყველაფერი, რასაც მას უფროსები ურჩევენ, მათ შორის ცოლად გაჰყვეს იმ მამაკაცს, ვისაც მშობლები შეურჩევენ.

გათხოვების შემდეგ ბოშა ქალი ვალდებულია ყველაფერში ქმარს დაემორჩილოს.

ქალებისთვის მკვეთრი და ხასხასა ტანსაცმლის ტარება ჩვეულებრივი მოვლენაა. ყვავილებიანი პრინტის წყალობით გოგონა მამაკაცის - პოტენციური საქმროს ყურადღების მიპყრობას უფრო მარტივად ახერხებს, ვინაიდან ის პირველი მასთან მისვლას და საუბრის წამოწყებას ვერ ბედავს, ამიტომ იძულებულია ზოგიერთ ხრიკს მიმართოს...

გასათხოვარ გოგონებს შარვლის ტარების უფლება აქვთ, ხოლო გათხოვილ ქალებს კი არა, მათ მხოლოდ გრძელი ქვედაბოლოების ჩაცმის უფლება ეძლევათ.

ბოშათა თემებს ოჯახში ძალადობის შოკისმომგვრელი მაღალი მაჩვენებელი აქვთ. დიდ ბრიტანეთში ჩატარებული კვლევის მიხედვით, ქმრები გათხოვილი ქალების 61%-ეს რეგულარულად სცემს და ფიზიკურ დაზიანებებსაც აყენებს, ქალები კი იძულებულები არიან ამ ყოველივეს შეეგუონ.

თუ ბოშებს შორის კონფლიქტი წარმოიშვება, ამას დიდი აურზაური და ხმაური მოჰყვება, ისევე როგორც აუცილებლად იქნება გვარის დაწყევლაც, თუმცა ბოშა პოლიციაში არც ერთ შემთხვევაში არ წავა.

ფილმებში ხშირად ვხედავთ მამაკაცებს საყურეებით, მაგრამ ეს მხოლოდ სტერეოტიპია. სინამდვილეში, ბოშათა თემში საყურეს მხოლოდ ქალები ატარებენ.