საზოგადოება
"იდეა მომივიდა ცენტრებს ხომ არ შევეკრა"- რა ინიციტივით გამოდის ირაკლი ოქრუაშვილი
6 აგვისტო, 10:42
მენტონიდან ბოლიომს პლიაჟებამდე ევროპელი ქალების მეტისმეტი სითეთრით შეწუხებული თავდაცვის ყოფილი მინისტრი, ირაკლი ოქრუაშვილი საქართველოში კარგად აპრობირებული ლეღვის ნახარშის ევროპაში დაპატენტების ინიციატივით გამოდის და საქმეში ჩახედულ ადამიანებს ლეღვის ნახარშის მომზადების ტექნოლოგიის საიდუმლოს გაზიარებას სთხოვს:
"მენტონიდან ბოლიომდე პლიაჟებზე იმდენი ფითქინა ნორვეგიელი, შვედი, ჰოლანდიელი, გერმანელი და თავისთავად ფრანგი ქალი წევს, უცბად იდეა მომივიდა ლეღვის ნახარშის წარმოება ხომ არ დავიწყო, თან დავაპატენტო და თან აქაურ დამწვრობის ცენტრებს შევეკრა. რეცეპტი როგორია მაგის ხარშვის მასწავლეთ აბა."- წერს ოქრუაშვილი მისთვის სახასიათო ჩვეული იუმორით.
