ევროპის ყველაზე მაღალი ვულკანი ეტნა, ამ ზაფხულს მეხუთედ ამოიფრქვევა. ლავისა და ფერფლის ახალი ამოფრქვევა კვირას ადგილობრივი დროით დილის 3 საათზე დაიწყო. ამის შესახებ იტალიის გეოფიზიკისა და ვულკანოლოგიის ეროვნული ინსტიტუტი იტყობინება.

ადგილობრივმა ხელისუფლებამ უკვე გამოაცხადა ფრენების შეფერხება და მარშრუტის შეცვლა, რადგან ვულკანური კვამლის ღრუბელმა ათ კილომეტრს მიაღწია და ხელს უშლის საავიაციო ფრენებს. დღესდღეობით, ლავის ნაკადები კვლავ ჩნდება ბოკა ნუოვასა და ვორაჟინის კრატერებიდან. ახლომდებარე ქალაქების ქუჩები ფერფლითაა დაფარული.

მიუხედავად ეტნას უპრეცედენტო აქტივობისა, აღნიშნულია, რომ ლავა საცხოვრებელ შენობებამდე მე-19 საუკუნის დასაწყისიდან არ მოსულა. როგორც წესი, ვულკანი იღვიძებს საშუალოდ ყოველ სამ თვეში ერთხელ და აფრქვევს ლავას, ზოგჯერ მწვერვალის კრატერში, უფრო ხშირად ვულკანის ფერდობებზე გვერდითი ხვრელებით.