საქართველო
"ბოროტი ჩერჩეტი ხარ – ჟურნალისტად მომუშავე"- წულუკიანი მეტრეველს
30 ივლისი, 9:51
კულტურის მინისტრი თეა წულუკიანი ჟურნალისტ მერაბ მეტრეველის პოსტს ლაშა შავდათუაშვილის ოლიმპიადიდან გამოთიშვასთან დაკავშირებით პირად გვერდზე აზიარებს და მას ჟურნალისტად მომუშავე ბოროტ ჩერჩერტს უწოდებს:
"შავდათუაშვილის ოლიმპიადიდან გათიშვას გავარდნა ტერმინით რომ აღნიშნავს ადამიანი და თავს გაიშიფრავ, რომ გაგიხარდა, ბოროტი ჩერჩეტი ხარ – ჟურნალისტად მომუშავე. გინდა მოწყენილი სახე დაახატე პოსტს და გინდა არა. შავდათუაშვილის შრომის ერთი მეასედი რომ არ გაგიკეთებია ვითომ ჟურნალისტს ცხოვრებაში და აგდებით საუბრობ, იმან ოცნებაზე რაღა უნდა თქვა ჭკვიანური. ვაი და, ჩვენი ყურება მოუწიოს ნოემბრიდან, მერე რა ეშველება ამ გუშინძალითგამომცხვარ ვითომ ევროპიელს?! ჯაან დაწინაურებულია ცხოვრებაში – მხარეა თუ ყოფილი ჟურნალისტი, ჯერ ამის გარკვევითაა დაკავებული."- წერს წულუკიანი.
ცნობისთვის, მერაბ მეტრეველი ლაშა შავდათუაშვილის ოლიმპიადიდან გამოთიშვას ამ სტატუსით გამოეხმაურა, რამაც კულტურის მინისტრის გაღიზიანება გამოიწვია.
შეგახსენებთ, რომ 2024 წლის პარიზის ოლიმპიადაზე ძიუდოს მესამე საშეჯიბრო დღეს ლაშა შავდათუაშვილი პირველივე წრეში ფრანგ ჟოან-ბენჟამინ გაბასთან დამარცხდა.
