ჩინური ზოოპარკის - "Lehe Ledu Wildlife Zoo"-ის გალიებში გაგიკვირდებათ და ცხოველების ნაცვლად ადამიანები სხედან! მეტიც, ასეთი სიამოვნებისთვის მნახველები მზად არიან სოლიდური თანხაც კი გადაიხადონ, რადგან მათ ხომ მტაცებლების ძალიან ახლოდან ნახვის უნიკალური შესაძლებლობა ეძლევათ. ჩუნცინის ზოოპარკში დამთვალიერებლებს ლომებისა და დათვების გარდა, ასევე ბენგალური და თეთრი ვეფხვების ნახვაც შეუძლიათ.

ზოოპარკის ვიზიტორებს სპეციალურ სატვირთო მანქანებში ათავსებენ, რომლებიც ერთი შეხედვით გალიებს მოგაგონებთ, ასე იწყება ზოოპარკის ტერიტორიაზე დაუსრულებული მოგზაურობა... ცხოველების ყურადღების მისაქცევად ზოოპარკის ადმინსიტრაცია უმი ხორცის უზარმაზარ ნაჭრებსა და ცოცხალ ქათმებს პირდაპირ ზედ სატვირთო მანქანებზე ამაგრებენ.

ზოოპარკი დამთავლიერებლებს სახიფათო მტაცებლების ახლოდან ნახვის უნიკალურ შესაძლებლობას აძლევს, ადგილზე ცხოველების დათვალიერება ასევე ავტობუსითაც შესაძლებელია.

დაწესებულების თანამშრომლები დამთვალიერებლებს ცხოველების ახლოდან ნახვის შესაძლებლობას ყოველგვარი აკრძალვების გარეშე აძლევენ, თუმცა თითების გალიიდან გამოყოფა რაღა თქმა უნდა, იკრძალება...

ისე, კიდევ უფრო მეტი უსაფრთხოებისთვის ალბათ, უკეთესი იქნებოდა გალიის სახურავი გადახურული რომ ყოფილიყო. აღნიშნული ზოოპარკი ტურისტებში, ისევე როგორც თავად ჩინელებში საკმაოდ დიდი პოპულარობით სარგებლობს, რის გამოც იქ მოხევდრა თითქმის ყოველთვის დიდ პრობლემას წარმოადგენს.

რა თქმა უნდა, ეს კონტაქტური ზოოპარკი არ გახლავთ, თუმცა ნებისმიერ მსურველს ის მტაცებლებთან პირისპირ შეხვედრის საუკეთესო შესაძლებლობას ნამდვილად აძლევს.