ქალმა სავარაუდოდ მსოფლიოში უძველესი ბოთლი წერილით იპოვა.

შეერთებულ შტატებში აღმოაჩინეს 148 წლის წინანდელი წერილი ბოთლში, რომელიც შესაძლოა მსოფლიოში ყველაზე ძველი გახდეს.

აშშ-ს მცხოვრებმა ქალმა სანაპიროზე აღმოაჩინა ბოთლი 148 წლის წინანდელი გზავნილით და ვარაუდობს, რომ ის შეიძლება ყველაზე ძველი იყოს მსოფლიოში. ამის შესახებ Philadelphia Inquirer წერს.

ემი სმიტ მერფი დილით ადრე სეირნობდა ოუშენ -სიტის სანაპიროსთან, როდესაც წყლის ნაპირზე შეამჩნია საცობიანი მწვანე ბოთლი, რომელშიც ქაღალდის ნაგლეჯი იდო, ქალმა ნაპოვნი ბოთლი დედის სახლში წაიყოლა, სადაც ოჯახთან ერთად მისი გამოკვლევა დაიწყეს.

მერფის ძმისშვილებმა შეძლეს ბოთლის გახსნა საცობის გასახსნელი ხრახნით და იქიდან წერილი ამოიღეს. თუმცა, მათ ვერ გაარკვიეს რა ეწერა ფურცელზე, ამიტომ დახმარებისთვის მიმართეს მსგავსი ბოთლების ექსპერტს, აუქციონის სახლის თანამშრომლებს და Reddit-ის მომხმარებლებს. გზავნილის ავტორის, დროისა და შინაარსის შესახებ ინფორმაციის ძიებაში ქალმა საარქივო გაზეთების შესწავლაც დაიწყო.

ანტიკვარიატისა და საკოლექციო ნივთების შეფასების ვებსაიტის გამოყენებით, მერფიმ დაადგინა, რომ ბოთლი, რომელიც მან იპოვა, 1870-იან წლებში იყო წარმოებული. ბოთლიდან ამოღებული ქაღალდის ერთი ფურცელი მე-19 საუკუნის ცნობილი ფილადელფიური კომპანიის სავიზიტო ბარათს ჰგავდა.

გარკვეული პერიოდის შემდეგ, მერფიმ შეძლო დაედგინა, თუ რა გზავნილი ეწერა ქაღალდზე: „იახტა ნეპტუნი ატლანტიკ სიტის სანაპიროზე. Ნიუ ჯერსი. 6 აგვისტო – 76.“ მერფი თვლის, რომ "76" შემოკლებული ვარიანტია იმ წლისა, როდესაც ბოთლი წყალში ჩააგდეს - 1876. იგი დაუკავშირდა გინესის რეკორდების წიგნის კომისიას, რათა ეს წერილი ბოთლში, დაფიქსირდეს როგორც ყველაზე ძველი მთელს მოფლიოში მსოფლიოში ნაპოვნი . აქამდე რეკორდსმენად ითვლება 1886 წლის 12 ივნისით დათარიღებული შეტყობინება, რომელიც აღმოაჩინეს ავსტრალიაში 2016 წელს.

მერფი აგრძელებს ბოთლის ისტორიის შესწავლას TikTok-ზე. მისი ბოლო აღმოჩენა იყო შეტყობინების სავარაუდო ავტორის იდენტიფიცირება, საარქივო გაზეთების მიხედვით, იგი უნდ ა იყოს კაპიტანი სამუელ გეილი, რომელმაც იახტა "ნეპტუნი" 1874 წელს ააგო.