მოგეხსენებათ, რომ შოუბიზნესი არის "ცნობილების" კომერციული საესტრადო გამოსვლა, რომელიც წარმოადგენს ღონისძიების ორგანიზატორთა შემოსავლის წყაროს და დღეს მსოფლიოს თითქმის ყველა ქვეყანას აქვს ის. შუბიზნესის წევრები არიან ამა თუ იმ ქვეყნის ცნობილი მომღერლები, მსახიობები, მოდელები და ა.შ, რომლებიც მუდამ ყურადღების ცენტრში არიან, ვიდრე სხვა ჩვეულებრივი მოქალაქეები. ისინი ასევე ხვდებიან ყვითელი პრესის ფურცლებსა და ჭორების ქარ-ცეცხლში. რა თქმა უნდა არიან ცნობილები, რომლებიც პრესისა და ტელევიზიებისგან იზოლირებულად ცხოვრობენ, თუმცა მათი განსაზღვრული ნაწილი დღემდე აქტიურად იკავებს "ყველაზე სექსუალური"-ს სტატუსსა და სკანდალებით იწევს რეიტინგს. პაპარაცებისა და ჟურნალისტების თვალს მიღმა ხომ არაფერი რჩება, აქტიურად იქექებიან ჩვენი ცნობილების პირად ცხოვრებასა და ქორწინება-განქორწინების საკითხშიც, რომელიც ჩვენს ცნობილებს (უმეტეს მათგანს) კარიერაზე ნაკლებად ადარდებთ.

როგორც ზემოთ უკვე აღვნიშნე, პაპარაცები და კამერები არის ყველგან, იქ, სადაც არიან ჩვენი ვარსკვლავები. ამიტომ ისინი ათასობით თანხებს ხარჯავენ იმის გამო, რომ მოუვლელობისა და არაესთეტიკურობის გამო არ მოხვდნენ ჟურნალების გარე ყდაზე, თუმცა ხდება გამონაკლისებიც, ვინაიდან ისინიც ისეთივე ადამიანები არიან, როგორც სხვა ყველა ჩვენ-დანარჩენი, მათაც უწევთ ზედმეტი თმის მოცილება სახიდან თუ სხეულის სხვა ნაწილებიდან, იკეთებენ მაკიაჟს, იღებენ შხაპსა და ფერუმარილის მეშვეობით მალავენ ნაკლოვანებებს. ამ ყველაფრის მიუხედავად კი, მაინც ხვდებიან პაპარაცის ობიექტივში, რომელსაც მათი არც ერთი წვრილმანი არ რჩება კამერებს მიღმა და გვანახებს ვარსკვლავებს სულ სხვა რაკურსით და არა ისეთს, როგორიც პრიალა ყდებიდან იდეალებად გვევლინებიან.

იმისათვის, რომ ვარსკვლავები სცენაზე იდეალურად წარდგნენ თავიანთი თაყვანისმცემელებისა თუ მსმენელის წინაშე, ძალიან რთულ გზას გადიან - ბევრი რეპეტიცია, საკონცერტო მზადება, ზრუნვა ვიზუალზე, მკაცრი დიეტები და ა, შ. ამ ყველაფერში კი მათ სპეციალისტების მთელი გუნდი ეხმარება, მაგრამ "ბლოგერობას" ისინი, თავად ახერხებენ.

ბლოგერი და მოდელი კიარა ფერანი არასოდეს ერიდებოდა საჯაროდ მისი სხეულის დემონსტრაციას. საკუთარი ფორმები მან ორსულობის პერიოდშიც გამოამზეურა და ის ამას განაგრძობს მას შემდეგაც, რაც ვაჟზე იმშობიარა.

კიარას არც უარყოფითი კომენტარები აბრკოლებს თავისი საყვარელი ჰობის შესრულებისას - გადაიღოს ბევრი სელფი და გამოხატოს კმაყოფილება თავისი სხეულის მიმართ.

ცოტახნის წინ, მოდელმა ახალი ფოტო გამოაქვეყნა საკუთარ გვერდზე, სადაც მისი მკერდი იმაზე მეტად ჩანს, ალბათ ვიდრე უნდოდა, რომ დაგვენახა.

ფოტოს ბევრი უარყოფითი კომენტარი მოჰყვა - მას აკრიტიკებდნენ იმის გამო, რომ დაწელილი მკერდის დემონსტრირება სულაც არ იყო კარგი იდეა. აღნიშნულ კომენტარებზე, მოდელს აღშფოთება არ გამოუხატავს.