გასული საუკუნის 60-იანი წლების ბოლოს სსრკ-ს ნაკრებმა გასვლითი მატჩი ჩაატარა თურქეთის ნაკრებთან (1970 წლის მსოფლიო ჩემპიონატის შესარჩევ ჯგუფში), რომელიც თურქების მარცხით დასრულდა.

1969 წლის 17 ნოემბერს სტამბულის "ალი სამი ენის" სტადიონზე მასპინძელი 1:3 დამარცხდა საბჭოთა კავშირთან; 2 გოლის ავტორი კახი ასათიანი იყო, რომელმაც შესანიშნავად ითამაშა! პირველი გოლი მე-3 წუთზე გაუტანა თურქებს და ბოლო მესამე გოლიც 66-ე წუთზე შეუგდო.

მეორე დღეს თურქეთის ერთ-ერთი ცენტრალური გაზეთის პირველ გვერდზე დაიბეჭდა კახა ასათანის ფოტო წარწერით: „გუშინ თურქეთის ნაკრები დამარცხდა კახი ასათიანთან, რომელმაც 2 ლამაზი გოლი გაიტანა ჩვენს კარში!"

დიახ, ასე დაწერეს - კახა ასათიანთან წავაგეთო! კახი ასათიანთან ერთად მაშინ კიდევ 4 ქართველი გამოდიოდა, ანზორ კავაზაშვილი, რევაზ ძოძუაშვილი, მურთაზ ხურცილავა და გივი ნოდია.

რა თქმა უნდა ეს ამბავი შემთხვევით არ გაგვხსენებია, მაშინ თურქები 5 ქართველის წინააღმდეგ იბრძოდენ სსრკ-ს შემადგენლობაში, დღეს კი 11 ქართველს დაუპირისპირდებიან და ღმერთმა ქნას, რომ ხვალ თურქულმა პრესამ გამოაქვეყნოს სათაურები იმავე შინაარსით, როგორც 55 წლის წინ.

გარდა ამისა, მთავარ ფოტოზე შემთხვევით არ დევს კახი ასათიანთან ერთად დავით ყიფიანის ფოტო-18 ივნისი მისი დაბადების დღეა!..

იმედია მათი სულები იქ სამოთხეში და დანარჩენი ყველა ჩვენთაგანი კი აქ, სააქაოში გავიხარებთ!!!