ამერიკული სერიალის, 20th Century Fox - ის პროდუქციის შემქმნელები რაიან მერფი და ბრედ ფოლჩაკი გახლავთ. სერიალის პირველი სეზონი 2011 წლის 5 ოქტომბრიდან გამოვიდა ეკრანზე და მაყურებლის გული სწრაფი ტემპით დაიპყრო. პირველი სეზონი მოიცავს 12 ეპიზოდს ანუ სერიას, რომლებიც დაახლოებით 40-45 წუთი გრძელდება. ''ამერიკული საშინელებათა ისტორია'' ნამდვილი საჩუქარი და ახალი აღმოჩენა გახდა საშინელებათა, მისტიკის, ფანტასტიკისა და თრილერის ჟანრის მოყვარულთათვის და სერიალმა ფანები მთელს მსოფლიოში შემოიკრიბა. მათ შორის საქართველოშიც დიდი პოპულარობით სარგებლობს, თუმცა არც ისე ცნობილია ფართო მასებისათვის და ბევრმა არ იცის ამ სერიალის შესახებ.

სერიალში მოქმედება ამერიკაში, ერთი უზარმაზარი, ძველი სახლის გარშემო ვითარდება. მაყურებელი ყოველ ეპიზოდში ახალ საშინელ ისტორიას იგებს და ნელ-ნელა ეცნობა სახლის საიდუმლოებებს და ითრევს მოქმედი პირების მომავალი ბედი. მისტიკითა და მოულოდნელობებით სავსე გარემოში პარალელურად სიყვარულის ისტორიაც ვითარდება თინეიჯერებს შორის, თუმცა მათ შორის ღრმა აღმართული ღრმა უფრსკული ხელს უშლის მათ ერთად ყოფნას. ტეიტისა და ვიოლეტის სიყვარულის ისტორია ერთ-ერთი ფაქტორია, რამაც თინეიჯერებში სერიალის დიდი პოპულარობა განაპირობა.

სერიალის გულშემატკივრები პირველი სეზონის შემდეგ მოუთმენლად ელოდნენ მეორე სეზონის გამოსვლას და საშინელებათა ისტორიის გაგრძელებას. აი დადგა ნანატრი დროც, დღეს, 17 ოქტომბერს გამოვიდა სერიალის მეორე სეზონის პირველი სერია და დანარჩენი სერიაბიც ოქტომბერში გამოვა თანმიმდევრობით. ვნახოთ გაამართლებს თუ არა ჩვენს მოლოდინს ახალი სეზონი, მანამდე კი ვისაც პირველი არ გიყურებიათ ხელები მოიფშვნიტეთ, მყუდროდ მოკალათდით და თუ მოგეპოვებათ პოპკორნიც მოიმარაგეთ და ჩაუჯექით. ახლა კი სურათებსაც შემოგთავაზებთ სერიალიდან და პირველი და მეორე სეზონის თრეილერებს.