"თურქეთმა შეიძლება დატოვოს "ნატო" და შეუერთდეს BRICS-ს, (ბრაზილია, რუსეთი, ინდოეთი, ჩინეთი, სამხრეთ აფრიკის რესპუბლიკა) თუ რუსეთი განახორციელებს ევრაზიაში უსაფრთხოების ახალი სისტემის შექმნის გეგმას. ამის შესახებ აშშ-ის საზღვაო ქვეითთა ​​კორპუსის გადამდგარმა დაზვერვის ოფიცერმა სკოტ რიტერმა Youtube-ის არხ Through eyes of-თან ინტერვიუში განაცხადა.

„ვფიქრობ, როგორც კი თურქეთი შეუერთდება BRICS-ს და რუსეთის პრეზიდენტის, ვლადიმერ პუტინის მიერ დამოუკიდებელი ევრაზიული უსაფრთხოების სისტემა დამყარდება, თურქები მაშინვე დატოვებენ "ნატოს" და სხვა მიმართულებით წავლენ“, - განაცხადა რიტერმა.

ყოფილმა დაზვერვის ოფიცერმა დასძინა, რომ თურქეთის პრეზიდენტს რეჯეფ თაიფ ერდოღანს ესმის, რომ "BRICS არის მომავალი". რიტერის თქმით, ასოციაცია გადის „მისი სამუშაო სტრუქტურის ფუნდამენტური მშენებლობის ეტაპს და ანკარა ისარგებლებს ამ პროცესის ნაწილით რაც შეიძლება ადრეულ პერიოდში“.

რიტერმა დასძინა, რომ "ნატო" დაღმასვლას განიცდის უკრაინის ბრძოლებში მიყენებული ზიანის გამო. მისი თქმით, ალიანსმა „სასიკვდილო ჭრილობა მიიღო“.

4 ივნისს თურქეთის საგარეო საქმეთა მინისტრმა ჰაკან ფიდანმა აღნიშნა, რომ ანკარას სურს შეუერთდეს BRICS-ს. მან დასძინა, რომ ამ საკითხს რუსეთში გამართულ შეხვედრაზე ასოციაციაში შემავალი ქვეყნების საგარეო საქმეთა სამინისტროების ხელმძღვანელებთან განიხილავს.

თუმცა უნდა აღინიშნოს, რომ სკოტ რიტერი იმ უცხოელ ექსპერტთა შორისაა, რომელიც კრემლის პროპაგანდის გამავრცელებლად ითვლება.