ზოგიერთ ქალბატონს "ლეოპარდის პრინტები" უგემოვნოდ მიაჩნია, თუმცა ზოგიერთი ახერხებს ლამაზად მოიხდინოს პრინტებით გაფორმებული სამოსი თუ აქსესუარი. მათ შორის არც ვარსკვლავები არიან გამონაკლისი. ლედი გაგა, კაილი მინოუგი, კიმ კარდაშიანი და სხვები უკვე დიდი ხანია აქტიურად იხდენენ "ლეოპარდის პრინტს".

კაილი მინოუგი "ლეოპარდის პრინტს" უთავსებს გარდერობის კლასიკურ ნივთებს. მომღერალმა ანიმალისტურ ნახატებიან გამჭვირვალე ბლუზას შეუხამა ლურჯი ჯინსები და ყავისფერი ფეხსაცმელი. ბლუზა, ქამარი და ფეხსაცმელი ერთ ფერშია გადაწყვეტილი.

კიმ კარდაშიანი არ მალავს თავის ღირსებას-მისი არჩევანია ღრმად ამოჭრილი მინი-კაბა, რომელსაც მეტ სექსუალურობას სწორედ "ლეოპარდის პრინტი" ანიჭებს.

ლედი გაგა ყურადღებით ადევნებს თვალს მოდის ტენდენციებს. მას არც "ლეოპარდის პრინტი" გამორჩა. შექმნილ იერსახეს გაგამ გრძელი წითელი ხელთათმანი და სექსუალური წვრილქუსლიანი წითელი ფეხსაცმელი დაამატა.

ემა რობერტსმა კი ცალმხრიანი კაბა ამოირჩია, აგრესიულ ნახატს აწონასწორებს ნაცრისფერი ფერი.

მომღერალმა კორტნი ლავმა არჩევანი შეაჩერა ნაცრისფერ მინიმალისტურ კაბაზე ვიქტორია ბექჰემის სტილში და ის გაალამაზა ნახატებიანი თავსაფრით, ამგვარად იდუმალი ქალის იერსახე შექმნა.

ჯესიკა სიმპსონმა სამოსს ერთი დეტალი-"ლეოპარდის პრინტიანი" ჩანთა შეუხამა და შესანიშნავი იერსახე გამოუვიდა.

სერიალ "ჰანა მონტანას" ვარსკვლავი მაილი საირუსი Louis Vuitton-ის შარფს ირჩევს, რომელიც შავი ფერის ჯინსებს და თეთრ მაისურს შეუხამა.

ავსტრალიელმა მოდელმა ჯესიკა ჰარტმა ნაზი ბლუზა ტყავის შორტებს შეუხამა და მოდური იერსახე შექმნა.

უილ სმიტის მეუღლემ ჯადამ კი აირჩია Givenchy-ის მოცულობითი ჩანთა შავ-თეთრ ფერებში. ჩანთა ჰარმონიულად ეხამება ფეხსაცმელს.