x
მეტი
  • 20.06.2024
  • სტატია:135468
  • ვიდეო:351961
  • სურათი:509747
ბენდენა - პოპულარული აქსესუარის ისტორია
ყველამ იცის, რა არის ბენდენა, მაგრამ თუ იკითხავთ, რას ნიშნავს ეს სიტყვა, ნაკლებად სავარაუდოა, რომ მიიღოთ დამაჯერებელი პასუხი. ის ინდოეთიდან მოდის და ჰინდი ენიდან „bandhana“ ითარგმნება, როგორც „გამონასკვა“.



image



ჩვენთან ყველაზე ხშირად ეს პროდუქტი წარმოდგენილია, როგორც ბამბის ქსოვილის ნაჭერი ტრადიციული პეისლის პრინტით, მაგრამ სინამდვილეში ბენდენა მზადდება სხვადასხვა ქსოვილისგან და უთვალავი ორნამენტის გამოყენება შეიძლება მის გასაფორმებლად.



image




ბენდენას პოპულარობის ისტორია ათეულობით წელს ითვლის. ეს აქსესუარი შეგიძლიათ ნახოთ როგორც 50-იანი წლების ფილმებში, ასევე 80-იანი წლების მუსიკალურ კლიპებში. ბენდენას პოპულარობა ხან იკლებს, ხან იზრდება და დღეს ამ უბრალო ნივთის მორიგი აღზევების მომსწრენი ვართ.



image



პოპულარული აქსესუარის დაბრუნება

ბენდენის მოდის ბოლო აფეთქება მოხდა 90-იან წლებში და 2000-იანი წლების დასაწყისში. ძნელია დაასახელო მუსიკალური ვარსკვლავი, რომელიც არ გამოჩენილა სცენაზე ან ვიდეოში ამ მოსახვევით. მას არა მხოლოდ თავზე იხვევდნენ, როგორც კრისტინა აგილერა, არამედ იყენებდნენ ტოპად, როგორც ბიონსე.



ბენდენა სცენიდან ტელევიზორში გადავიდა და ბავშვებისა და ახალგაზრდებისთვის განკუთვნილ სერიალებსა და სატელევიზიო შოუებში გმირების თავებზე გამოჩნდა. ჩვენთან მოგვიანებით გამოჩნდა, მაგრამ არანაკლებ პოპულარული გახდა. თინეიჯერულ ჟურნალებში ხშირად ჩნდებოდა მხიარული გოგოები და ბიჭები თავზე, სახეზე და კისერზე შემოხვეული ბენდენით.



image



შემდეგ მოდური თავსაბურავებისადმი ინტერესი რატომღაც გაქრა და მათი ნახვა მხოლოდ არაფორმალური ახალგაზრდული მოძრაობების წარმომადგენლებსა და როკ მუსიკოსებზე შეიძლებოდა. 2019 წელს აქსესუარი ისევ მოდაში დაბრუნდა, თან სწრაფად გავრცელდა მაღალი მოდის სამყაროში. ბენდენა წარმოდგენილი იყო 2019 წლის მოდის სახლების Alexander Wang, Max Mara და JW Anderson გაზაფხული-ზაფხულის კოლექციებში, შემდეგ 2022 წლის შემოდგომა-ზამთრის სეზონზე გადავიდა. ტრენდს აჰყვნენ ისეთი ბრენდები, როგორიცაა Jacquemus და Gucci.



ბენდენას ნამდვილი ტრიუმფი კორონავირუსის პანდემიასთან ერთად მოვიდა. იმის მიუხედავად, რომ ექიმები არაერთხელ ავრცელებდნენ გაფრთხილებას, რომ სახე მხოლოდ სამედიცინო ნიღბით უნდა დაეცვათ, ბევრმა ადამიანმა ჩათვალა, რომ ორად დაკეცილი ქსოვილის ნაჭერი კარგად შეასრულებდა საქმეს და ბევრად უფრო საინტერესოდ გამოიყურებოდა.



image



ამიტომაც ბენდენებმა სახეზე გადაინაცვლეს და ქუჩებში უფრო და უფრო ხშირად ჩნდებოდნენ ადამიანები ცხვირ-პირზე აფარებული ფერადი ქსოვილებით. უნდა ითქვას, რომ ყველა არ ეთანხმება, რომ ბენდენების ბუმი კოვიდ 19-ს უკავშირდება. არგუმენტად მოჰყავთ, რომ ბოლო დროს მოდაში დაბრუნდა 90-იანი წლების მოდა. მძივებიანი სამაჯურები, ნივთები ხელოვნური ქვებით, თითში გასაყრელი შლაპუნა, ფეხსაცმელი კვადრატული ცხვირით. როგორ არ უნდა შეავსოთ სტილი ძველი კეთილი ბენდენით?



როგორ გავიკეთოთ ბენდენა ამ სეზონზე?

ამ ზაფხულს შეგიძლიათ შეიძინოთ ბენდენა ნებისმიერ მარკეტში. გაყიდვაში ნახავთ როგორც ცნობილი და ძვირადღირებული ბრენდების მოდელებს, ასევე ბიუჯეტურ ვარიანტებს. ხელს არავინ გიშლით, რომ თავად გააკეთოთ ბენდენა თქვენთვის სასურველი ქსოვილისგან, რომ იბრწყინოთ ორიგინალურობით და დაზოგოთ მოდურ ნივთზე.



image



წელს ბენდენას ატარებენ ყველგან, სადაც შესაძლებელია, თავზე, ნიკაპზე, კისერზე, ქამარზე თუ მაჯაზე სამაჯურის სახით. სოციალურ ქსელებში უამრავი სასწავლო ვიდეოა, სადაც ნათლად ჩანს ამ ნაჭრის გამოყენების ათეულობით ხერხი.



image



ვარიანტების განხილვისას შესამჩნევია, რომ აქსესუარზე მოდა დაბრუნდა, მაგრამ 90-იანი და 2020-იანი წლების ბენდენებს შორის მაინც არის განსხვავება. ადრე იყო კაშკაშა ან როგორც მინიმუმ უჩვეულო და ჭრელი ნახატი, ახლა მოდაშია ერთფერიანი ბენდენა მშვიდი შეფერილობით.

0
38
შეფასება არ არის
ავტორი:Yoona
Yoona
Mediator image
38