“ქ(ვ)აშვეთი

ქაშვეთის წმ. გიორგის ეკლესია დგას “კომუნარების” ბაღის ტერიტორიაზე, რუსთაველის პროსპექტის დონეზე დაბლა.

გადმოცემით, უძველეს ხანაში ამ ადგილზე კერპთაყვანისმცემელთა სალოცავი-საკერპე მდგარა. პირველი ქრისტიანული ეკლესიის მშენებლობის ცამეტთაგან ერთ-ერთ სირიელ მისიონერს - მამა დავითის სახელს უკავშირებენ. მასვე უკავშირდება ლეგენდა ეკლესიის სახელწოდების წარმოშობის შესახებ. ერთ-ერთმა მონაზონმა, მაზდეანების წაქეზებით ცილი დასწამა მამა დავითს, თითქოს მისგან დაორსულებულიყოს. დავითს განუცხადებია - თუ მე ვარ დამნაშავე, ქალმა ბავშვი შვას თუ მართალი - ქვაო. ქალს ქვა უშვია. ლეგენდა ამით ხსნის სახელწოდებას - „ქვაშვეთი“.