საშემოდგომო კოლექციების ჩვენებებზე მეფობდა დიდი ზომის მოდელები: დაგრძელებული სახელოები, განიერი კაპიუშონები, ღრმა დეკოლტეები... შეიძლება ეს მორიგ უსარგებლო ტენდენციად მოგეჩვენოთ, მაგრამ მეორე მხრივ, ამგვარად შესაძლებელია სხეულის ნაკლის დაფარვა.

ვიწრო წელს ხაზს უსვამს განიერი ქამარი, თუმცა მსგავსი აღნაგობა ბევრ ქალბატონს არ აქვს, ხოლო თუ გაგიმართლათ და ვიწრო წელის პატრონი ხართ, ყველაზე მოდური ვარიანტია შალის ქვედაბოლო, განიერი სვიტერი და კონსტრასტული ტყავის ქამარი.

DKNY, Michael Kors, Rachel Zoe

დახვეწილ წვივებს ხაზს გაუსვამთ ფანქარი-ქვედაბოლოს მეშვეობით. ეს მეტად უნივერსალური გზაა ყველგან და ყოველთვის შესაფერისად და მოდურად გამოიყურებოდეთ.

Salvatore Ferragamo, Zac Posen, J.Crew

პატარა გულ-მკერდის დაკორექტირებას გარეგნულად შეძლებთ მოცულობით სახელოების დახმარებით. განიერი სახელოებიან ზედას უფრო მოკრძალებული ვიწრო ქვედაბოლო ან ტანზე მოტმასნული შარვალი შეურჩიეთ.

Rochas, Balenciaga, Burberry Prorsum

განიერ თეძოებს კარგად შენიღბავს ამ სეზონზე ისევ აქტუალური არშია. არშია გარეგნულად წელსაც ავიწროვებს.

Christian Dior, Antonio Berardi, Bottega Veneta

ნებისმიერი ქალბატონი მოხარული იქნება საკუთარი ფეხები უფრო მოხდენილად წარმოაჩინოს. რაშიც ახალ სეზონზე დაგეხმარებათ ფართო, მაღალწელიანი, გრძელი შარვლები.

Rochas, Alice + Olivia, Richard Chai Love

განიერი მხრების კორექტირებას კი ყელზე შემოხვეული კაბები დაგეხმარებათ, აირჩიეთ გაშვებული, , დეკოლტე დაფარული მოდელები, რათა ყურადღება მიიპყროთ ხელებზე.

Ralph Lauren, Tommy Hilfiger, Alexander Wang

პატარა მკერდის მქონე ქალბატონებისთვის V-მაგვარი დეკოლტე ნამდვილი მაშველი რგოლია. ამასთან ბლუზა ან კაბა ზუსტად სხეულის ფორმაზე უნდა იყოს აჭრილი. მაქსი-ქვედაბოლო ან განიერი შარვალი კომბინაციაში ზუსტად შესაფერისი იქნება

Salvatore Ferragamo, Paul & Joe, Elie Saab