x
მეტი
  • 28.05.2024
  • სტატია:134935
  • ვიდეო:351972
  • სურათი:509336
რა ენაზე მეტყველებდა იესო ქრისტე?

image


იესო ნაზარეველი იდუმალებით მოცული ფიგურაა, რომელმაც უდიდესი გავლენა იქონია კაცობრიობის ისტორიაზე. როგორც ქრისტიანობის მთავარი ფიგურა, მას პატივს მიაგებს მილიონობით ადამიანი მთელს მსოფლიოში, თუმცა მიუხედავად მისი უზარმაზარი გავლენისა, კითხვა თუ რა ენაზე მეტყველებდა იესო ქრისტე დღემდე საკამათოდ რჩება. ამ კითხვაზე პასუხის გაცემა არც იმდენად მარტივია. იესოს შესახებ ინფორმაციის მთავარი წყარო ბიბლია, ბერძნულ, ებრაულ და არამეულ ენებზე დაიწერა. შესაბამისად, მეცნიერთა აზრით, მაცხოვარი სავარაუდოდ, სამივე ენაზე საუბრობდა, თუმცა ენა, რომელთანაც იესო ნაზარეველი ყველაზე ხშირად ასოცირდება მაინც - არამეულია.


image


არამეული ერთ - ერთი უძველესი სემიტური ენაა, რომელზეც ახლო აღმოსავლეთში იესოს დროს საუბრობდნენ. ეს ამ რეგიონის ლინგვა ფრანკა იყო და სრულიად დასაშვებია რომ მაცხოვარი არამეულ ენას ყოველდღიურ ცხოვრებაშიც იყენებდა, ის რომ მაცხოვარი ამ ენაზე მეტყველებდა ამას ბიბლიის რამდენიმე ციტატაც ადასტურებს.

image


მაგალითად, მარკოზის სახარებაში ნათქვამია, რომ იესომ არამეული ფრაზა "ტალიტა ქუმ" წარმოსთქვა, რაც ნიშნავს "პატარა გოგო, გეუბნები, ადექი". მათეს სახარებაში კი, იესო არამეულად შეჰღაღადებს: "ელი, ელი, ლამა საბაქთანი?" რაც ნიშნავს "ღმერთო ჩემო, ღმერთო ჩემო, რატომ მიმატოვე?".


image


რეგიონში არამეულის გავრცელების მიუხედავად, ასევე სავარაუდოა, რომ იესო ქრისტე ბერძნულადაც საუბრობდა. ბერძნული რომის იმპერიაში ვაჭრობისა და კომერციის ენა იყო და მასზე მთელს ხმელთაშუა ზღვის სამყაროში მრავალი ადამიანი საუბრობდა, ამიტომ სრულიად შესაძლებელია რომ იესომ, როგორც დურგალმა და მქადაგებელმა, სხვადასხვა რეგიონის ხალხთან ურთიერთობისთვის ბერძნულიც იცოდა.


image


იმ დროს რეგიონში ასევე ივრითზეც საუბრობდნენ და სავარაუდოა, რომ იესო ებრაულ ენასაც ფლობდა. ივრითი ებრაული დამწერლობის ენა გახლდათ, და სინაგოგებში რელიგიური სწავლებისთვის გამოიყენებოდა, ამიტომ შესაძლებელია რომ იესო ნაზარეველმა ებრაულიც იცოდა, რომელზეც ებრაულ წერილებს კითხულობდა.


image


ისეთ მრავალფეროვან რეგიონში როგორიც ახლო აღმოსავლეთია, იმ დროს მხოლოდ ერთი ენის ცოდნა შეუძლებელი იქნებოდა. იესო ქრისტე, სავარაუდოდ, რამდენიმე ენაზე საუბრობდა, რათა სხვადასხვა რეგიონისა და კულტურის ადამიანებთან უშუალო კონტაქტის საშუალება ჰქონოდა.







0
375
შეფასება არ არის
ავტორი:მაკა ნიკვაშვილი
მაკა ნიკვაშვილი
Mediator image
375